كتب - محرر الاقباط متحدون
قال الفنان محمد صبحي :" أنا مش بتنبأ، إنما في معلومات عندنا بتقول أن الشهور القادمة فيها خطورة مناخية.
مضيفا خلال حلوله ضيفا على برنامج (نظرة)، تقديم الإعلامي حمدي رزق على قناة صدى البلد :" على فكرة الأبحاث أثبتت أن الأرض مش كروية، ومش نهاية الأرض القطبين الشمالي والجنوبي، لاه ده في أراضي انت متعرفهاش ولا توصلها.
واستنكر عدد كبير من المثقفين والصحفيين و رواد التواصل تصريحات صبحي ورأوا فيها مناهضة للعلم الذي اثبت كروية الارض.
من بينهم فتحي ابو حطب الذي كتب :"
"الأرض مش كروية" يجب أن يرد الإعلام، على تخاريف محمد صبحي، ولا يكتفي بنشرها.
كما كتب محمد حسنين :"حتى انت يا صبحي ، فكرة انتشار الجهل أصبحت منتشره في فئة المتعلمين بشكل مخيف.
استنكر كذلك تصريحاته حساب باسم عادل سلامة وقال :" أنهى ابحاث اللى أثبتت أن الأرض مش كروية ؟ وان فيه أراضى مانعرفش عنها حاجة ؟ فى أنهى جامعة ومين الباحثين وفين نلاقى الأبحاث دى ؟ ده سؤال.
السؤال التانى : انت ليه كده ؟ انت كنت ف يوم م الايام مصدر إمتاع وفن وحاجات حلوة .. هرمون الكفتة ده تضخم عندك كده ازاى وامتى ؟ واللا هو موجود م الاول .. وشغل لينين الرملي كان مخبيه عشان كده ماخدناش بالنا؟.
محمد الشريف :"مش عارف ليه مش متفاجئ ان محمد صبحي طلع من اتباع الأرض المسطحة، بجد fits the stereotype بتاع نظريات المؤامرة.
وقال صبحي في حواره: "على فكرة الأبحاث أثبتت أن الأرض مش كروية، مش نهاية الأرض القطبين الشمالي والجنوبي، ده في أراضي أنت ماتعرفهاش ولا توصلّها".
رامي ملك :" الفنان محمد صبحي عرف من الأبحاث إن الأرض مش كروية. وبينصحنا نقرا 4 أو 5 صفحات. أنا بقالي كتير واقف عند الصفحة التالتة.
طارق ابراهيم : صدمة من تصريحات للفنان محمد صبحي يفهم منها أنه يصدق فكرة الأرض المسطحة التي تناقض كروية الأرض.
الواحد مش عارف يلاقيها منين ولا منين...الخطورة أن له جمهورا ...كنت واحدا منه للأسف..سيصدقه.
محمد نعيم :" أنا معجب برحلة محمد صبحي أوي من فنان مسرحي من جيل الستينيات التقدمي الواعد في عالم منظمة الشباب .. لمسرحي تجاري شاطر جدا وبيعمل بصمة وعلامة مهمة بالشغل مع لينين الرملي .. للممثل المحافظ الرجعي اللي بيهلك في قيم الأسرة.
وده بالتوازي مع التطببل لصدام حسين و مع انه بيخوض حرب ضد بروتوكولات حكماء صهيون كفارس بلا جواد، وبعد كده بينطفي عشان يظهر لي تاني وهو بيطالب بالقفل علي مصر .. وآخر الرحلة حتي الآن هي انه بيعلن ان الارض مسطحة وغير كروية وان فيه مؤامرة بيئية ستتكشف إبعادها خلال شهرين من الانً.
تقريبا قصة حزينة جدا جدا جدا لضحايا هزيمة يونيو ٦٧ من شباب كانوا في بداية عشرينياتهم وقتها .. من الأمل إلي المعافرة إلي الخلل إلي الجنون، ربنا يعفي عنا جميعا.
كما علق حساب :" دي زاطت قوي ..الممثل محمد صبحي .. اومن بنظرية المؤامرة والدراسات اثبتت ان الارض مش كروية،حذروا عيالكم محدش يتفرج على كلامه تاني.
المشكلة دلوقتي ان سعادته طالع بيتكلم عن دور سلاح الجهل والتفاهة في تخريب الامم، ادي اخرة اللي بيتعلم من اليوتيوب ...وبيسمع كلام المسطحين.
عماد : تخاريف محمد صبحى، على فكرة الأبحاث أثبتت أن الأرض مش كروية، مش نهاية الأرض القطبين الشمالي والجنوبي، ده في أراضى انت متعرفهاش ولا توصلها».
قالك الأبحاث أثبتت ودا رأى محمد صبحى اللى كتير شايفين إنه حامل مشعل الثقافة فى مصر.
