محمد طه
بعد الانفعال (المفهوم جداً)، والتعاطف (المستحق بلا جدال).. اسأل نفسك الأسئلة التالية بخصوص فيديو الزوجة اللى ضربت حماتها:
- لو كان العكس هو اللى حصل.. يعنى الحماة هى اللى ضربت زوجة ابنها، كنت هاتحس بنفس القدر من الانفعال والغضب والتعاطف والا لأ؟
- طيب وبخصوص ضرب الزوج لزوجته؟
- ولو كان ضرب أب لابنه أو بنته؟
لو كانت اجابتك على السؤال الأول: لا بس برضه مايصحش علشان دى ست كبيرة، وعلى السؤال التانى: آه لو زوجة ناشز يبقى من حقه يضربها، وعلى الثالث: ممكن الأب طبعاً يضرب ابنه أو بنته فى بعض الحالات.. لو كانت دى اجاباتك يبقى حضرتك محتاج تراجع نفسك.. وضميرك.. واتساق تفكيرك..
المبادئ لا تتجزأ.. والضرب ضرب.. بغض النظر عن مين.. عنده كام سنة.. السبب إيه.
على فكرة.. الحماة طلعت فى لقاء مع إحدى المواقع بالأمس، وقالت بالحرف: "لا معروفة.. الحماة هى اللى تضرب مرات ابنها.. دى معروفة"
محمد طه
