بقلم الكاتبة الصحفية أمانى سليمان
أنا حلم تايه وبين سنين الغربة عايش
بدور على حالى فى زمن خالى
يمكن يكون في شىء باهت
قافل معايا وساكت
اصل روحى فى رواية حزينة
بتشجى وبتقول أنا الأميرة
العمر راح فى شجن وجراح
والعين سكنتها دموع أليمة
و القلب سطر عزفة حزينة
وعلى ورق الذكريات
بحكى حكايات ومنها امنيات
أصلها كانت احلام
دخلت العقل جوةالسرداب
وقفلت عليها والعين كحيلة
وبدموعى كتبت حروفى
ومع الليل و الضحكه حزينة
وطعم قهوتى مرة طينة
بكى القلب من غنوة مريرة
كتبتها ساعة وحدتى
اصلها عارفة دنيتى
ونوع غنوتى يا قصة غربتى
