بقلم الكاتبة الصحفية أمانى سليمان
__ايوة أنا عايشة رغم القلب بقى مفيش ويا الحب مش بيعيش ،
ديه حكمة أكيد كانت فى حياتى سنين
وبعيش
__جايز على أمل يتصلح الحال والألم، ويكون فى أمل فى بكرة يازمن
وبعيش
__افتكرت نفسى زمان والحب والحنان لكن رجعت فى الحال، اصله حلم كان يا مكان
وبعيش
__شفت القلب من الجراح وبكاء أيام على اللي راح، والحب والذكريات كانت اغلى من آهات
وبعيش
__ليكى ببكى والدمع جافى غريب بيصرخ ،ويقول ياوجعى فينك أصل مفيش
وبعيش
__حلو كده الأفراح مفيش وفى صرخة موال بعيش ، روح ابنى فى جسور وأعلى بالهموم وفى الاخر ....
بعيش
__بسكت فى حالى وفكر بالى يمكن انادى على الحزن وانهيه
وبعيش
__يا حلم اتقطع شاب القلب وضجر ، ارجع بصدى وقول للقلب كفاياك ضجر
وعيش
__ورسمت قمر كاتم بالقلم حزين فى السماء سارح في شجن وياه الم
وبعيش
