شارك الفنان محمد فؤاد، في حفلات مهرجان العلمين 2024، ضمن مطربي حفل «كاسيت 90»، الذي تم إحياؤه على خشبة مسرح «U Arena».
وخلال الحفل، فاجأ الفنان محمد فؤاد الجمهور بتصريحات قال خلالها: «إحنا جيل كنّا بنخاف من ربنا، وجيلي اللي أنا فخور إني بنتمي ليه، كنّا بنخاف ربنا في الكلمة، عشان ميبقاش عندنا أطفال أو شباب، يتكلم لغة وحشة أو كلام وحش، أو كره أو ضغينة أو غل».
وأضاف فؤاد (موجهًا حديثه للمطربين الحاليين): «بس أنا عايز أقولهم حاجة، إن كلنا هنتحاسب، ف خليكم جدعان، لأن الجمهور المصري طيب وجدع ومفيش زيه، وكريم وجدع وبيساعد في الأول».
وتابع: «يعني أول أغنية عملتها كنت شايف نفسي دمي تقيل، لكن الجمهور في الشارع مكانش بيكسفك بالعكس الجمهور كان بيشيلك، ولكن اللي بيغنوا دلوقتي مقضينها حقد كأنهم بيقولوا إنهم تحت ربنا، مفيش تحت ربنا حد، واوعوا حد يضحك عليكم».
وشهدت الفقرة الأولى من الحفل صعود الفنان هشام عباس إلى خشبة المسرح وسط هتاف كبير من جمهور مهرجان العلمين الذي حرص على حضور حفل جيل التسعينيات، كما شهد الحفل غناءه عددا من أشهر أغانيه التي اشتهر بتقديمها في حفلاته، وأشهرها أغنية «يتربى في عزو» التي تفاعل معها الجمهور بشكل كبير.
