د. أمير فهمى زخارى المنيا
الزوج الصامت "الجزء الأول"
هل تعانين من الصمت الدائم لزوجك؟ تعرفي على الأسباب وكيفية العلاج
من الأسئلة والحالات الكتير اللي بنشوفها لزوجات بتعاني من الزوج الصامت ... قررت النهاردة اناقش معاكوا الموضوع دة

الزوج أو الأب الصامت هو مشكلة كبيرة في بيوتنا من زمان جدا وليها تأثير عميق في حياتنا كلنا علشان كدة بدعو كل أم. بنت. زوجة .... تركز معايا قوي في الكلام دة

أولا.. أنواع الزوج الصامت
1. اللي مكنش بيسكت وسكت (صدمة الصمت):
ودة اللي وقت الخطوبة او التعارف كنتي تلاقيه مش بيبطل كلام ومحدش عمره يعرف يسكته. كان بيعرف يتكلم في كل حاجة. سياسة تلاقي. اقتصاد تلاقي. موضة تلاقي. عربيات. كورة....الخ وبعد الجواز سبحان الله نزل عليه سهم الله, بقي علي وشه نوع من الوجوم الدائم مع السكوت ويا اما قاعد بيتونس بالplay station اوالموبيل أو بينزل مع اصحابه ويرجع علي النوم والصبح كلامه كله بالحواجب ولغة العيون فقط !!!!

2. اللي ساكت من يومه (رجل الكهف):
اللي طبيعته قليل الكلام او مش بيتكلم خالص ودول نوعين:
.... نوع قليل الكلام برة وجوة (يعني مع اصحابه ومع مراته وفي شغله وعلي القهوة نفس الشخص)
.... ونوع بسميه (اجتماعي مشروط) يعني في البيت صامت mute ومجرد ما يطلع من باب البيت يفك أسره ويبقي طاير محلق مش بيبطل كلام خالص الا لما يدخل من باب البيت تاني يفصل الكهربا ويرجع إنسان الكهف من اول وجديد…

3. مش لاقي حافظ للسر (secret keeper):
ودة النوع اللي  مش بيتكلم مع مراته بس بيفضفض لشخص واحد من اصحابه او لمامته ودة اخطر بكتير  ...
السؤال بقي
ايه اللي بيخلي الراجل يسكت؟؟
ركزوا معايا قوي في النقط دي

1. الرجل يميل بطبيعته الي الصمت اكتر من المرأة .... في كتاب الرجال من المريخ والنساء من الزهرة بيبان قوي فكرة  الكهف. الرجل لما بيكون مضغوط او متوتر بيدخل كهفه ويسكت خالص علشان كدة هو علي طول في الكهف لان معظم حياته توتر وقلق .

2. الرجل علشان يتكلم لازم يدي ثقة ودة بياخد منه وقت اطول بكتير من المرأة. المرأة مخلوق اجتماعي بارع في خلق التفاصيل وبتعرف كويس قوي تخلق  الألفة وبتتكلم وتفضفض . الراجل مش كدة علشان يتكلم بياخد وقت واول ما يتكلم ممكن بسهولة جدا يتقفل لو عملنا بقي -كزوجات- اي حاجة من مثلث الرعب اللى هو:

..... الحكم و النقد  
.... الأستاذة : انا لو كنت مكانك. او المفروض تعمل...
.... المقاطعة أو الصوت العالي

كل واحدة من مثلث الرعب دول كفيلة انها تقفل الراجل ولما تيجي تكلمه يقولك انا خايف اكلمها لتنتقدني او تهيني او تزعقلي او تقعد تتأستذ عليا...

 علشان كدة الرجالة بيحبوا يقعدوا مع بعض علي القهوة بالساعات من غير ما يزهقوا ولا يمسكوا الموبايل لان ببساطه كلهم سطحيين ولا بيركزوا قوي في التفاصيل ولا بيقاطوا ولا يحكموا علي بعض ...

3. العكس بقي...ياما شفت زوجات شاطرة قدرت تخرج زوجها من حاجز الصمت واستخدموا الأساليب السحرية دي... يعني الاهتمام بكل الحاجات البسيطة اللي بيحبها زي الكورة او العربيات

 لو عندك مشكلة مع جوزك في التواصل اعرفي انك محتاجة تلاقي ارض مشتركة بينكو ودي الخطوة التانية:
.. اخلقي الألفة والقبول, يعتبر حجر الزاوية لاي تواصل ناجح ولو عرفتي تعمليه هتبقي مش بس زوجة ناجحة لا كمان هتنجحي في شغلك مع اولادك واصحابك واصحاب اصحابك وجوزك هيشوف فيكي الصديقة المفضلة...

....شاركيه احلامه مهما كانت بسيطة وملهاش معني بالنسبة ليكي تأكدي انك لو حسستيه انك مهتمة بكلامه هتقدري توصلي لقلبه ومش هيبطل كلام ...

... خليكو أصحاب اكتر من أزواج, هتلاقيه فجاه بيهتم بلون المانيكير والموضه واللبس والشعر وكل حاجة . بس علشان حاسس انك بدأتي تسمعيه :
- من غير نقد
- من غير مقاطعة
- من غير صوت عالي ولا أستذة
وعلي قد ما هتتعبي علي قد ما هتلاقي نتيجة رهيبة في التواصل والحب مع زوجك.
وساعتها مش هتشتكي خالص انه بيهرب منك ومن البيت ولا انه قاعد علي طول علي الموبايل
ولا انه حب واحدة عرفت ازاي تسيطر عليه وتبعده عنك
لان ببساطة هيكون معاكي العصايا السحرية
جربيها ومتنتظريش النتيجة الا علي مدي البعيد
لكن نتيجتة حتمية لصالحك

الزوج الصامت "الجزء الثانى"
"زوجى ما بيتكلمش" اعرفى إزاى تتعاملى مع الزوج الكتوم قليل الكلام
كيفيه التعامل مع الزوج الصامت
 من المعروف أن الصمت من صفات الرجل التي تقلق المرأة وتزعجها كثيرا ..

 تقول أبحاث علم النفس : أن الرجل يعتمد الصمت لأنه بعكس المرأة .. قليل الكلام .. ويشغل تفكيره أكثر من لسانه ..
 ولأن الرجل والمرأة دائماً مختلفين .. ليس فقط في المظهر والشكل .. و إنما أيضاً في الطباع ..
فالمرأة تتسم بالعاطفة ..

على عكس الرجل الذى يتسم بالعقلانية والمنطق والتفكير في الأمور المختلفة ..
 كما أن المرأة تميل إلى التعبير والكلام ..
وقد تسمع شكوي من كثيرات من الزوجات من صمت أزواجهن وقلة كلامهم خاصة داخل منزل الزوجية ..

* الأسباب الخارجية التي تدفع الرجل الي الصمت :
 الرجل يلجأ إلى الصمت إذا كان يواجه مشاكل .. أو بسبب إرهاق أو تعب بالعمل ..
- حاولي بهدوء حثه على البوح .. ولكن دون الحاح ..
 - ينزعج الرجل عادة من المقاطعة بشكل دائم .. بطريقة تجعله أكثر صمتاً .. لهذا حاولى أن تعيريه الإنتباه عندما يطرح آراءه ..
- شعوره بأنكِ صاحبة خبره أكبر منه في الموضوع الذي يتحدث عنه .. يجعله يتجنب الحديث ..
- عدم التركيز مع ما يقوله زى : الانشغال بالموبيل أو الكمبيوتر .. يدفع الرجل لفقدان الرغبة في الحديث ..

* الأسباب التي تتعلق بطبيعة الرجل نفسه :
الرجل بطبيعيته لا يجيد التعبير عما بداخله من خلال الكلام ..
علي عكس المرأة لديها قدرات أعلى من الرجل من حيث إمتلاك مهارات لغوية والتعبير عما بداخلها بوضوح ..
 الرجل الحقيقي حسب تكوينه النفسي والاجتماعي يفعل أكثر مما يتكلم .. فهو لا يعير اهتماماً كبير للكلام ..
 المرأة بطبيعتها تميل إلى سرد التفاصيل .. وهو ما يتعارض مع تفكير الرجل ..
 هذه من الأسباب الهامة التي تُشعر الزوجة بأن زوجها لا يهتم بها ولا يعبر لها بالكلام عن حبه لها ..
 وإنما هي في الحقيقة أسباب تعود لاختلاف طرق التفكير بين الجنسين ..

 بعض الحلول الفعّالة للتعامل مع الزوج الصامت التي تجعلك تمتلكين قلبه من جديد :
❶ حاولي ألا تتكلمي أثناء إنشغاله ..
 لأنه لا يستطيع فعل أمرين في آن واحد مثلك ..
فهو بذلك لن يسمعك أبدا ..

❷ حاولي مشاركته في مشاكلك .. وأطلبي رأيه في بعض الامور التي تخصك ..
حتى يشعر بأهميته ومكانته الكبيرة في حياتك ..
 وحاولي إختيار وقت مناسب أثناء التحدث إليه ..

❸ بادرى بالحديث معه في الوقت المناسب ..
واحذرى أن تقابلي صمته بالصمت ..
 حتى لا ينقطع التواصل بينكما ..

❹من الرائع أن تتحدثي معه في الأمور التي تثير إهتمامه ..
 والتي يجب التحدث بها ..
حتى تشجعيه على الحديث معك ..

❺ توقفي عن محاولة إجباره على التعبير لكِ بالكلام ..
 لأن هذا الأسلوب سينعكس بالسلب عليكِ وعليه ..
ولكن تصرفي بحكمة وصبر حتى تحصلي على ما تريدينه ..

❻ حاولي اختيار مواضيع وأحاديث شيقة ..
 حتى يشعر أن الكلام معكِ ممتع ومريح ..

❼حاولى تقبل الطرق التى يعبر بها عن حبه لك ..
فبعض الرجال يعبر عن حبه بالهدايا .. والبعض الآخر يعبر عن حبه بإجراء التغييرات بالمنزل والديكور ..
فعليكِ أن تتأكدي أن كل هذه الطرق ما هي إلا وسيلة للتعبير عن حبه .
 يارب يكون المقال اليوم نال اعجابكم...تحياتى.
د. أمير فهمى زخارى المنيا
-----------------------------------------------------------------------------------
المصادر والمراجع:
- الزواج المثالى ... تأليف خنساء حسن النعيم.
- البيت الصامت... أورهان باموق, ‏دار الشروق • 2015
- بنك أسرار حياة المرأة - صفحة 45... دعاء طنطاوي • 2011
- أقنعة السرد: مقالات نقدية عن روايات مصرية وعربية وعالمية - صفحة 254...محمود عبد الشكور • 2016