كتب - محرر الاقباط متحدون
وجه المفكر والطبيب خالد منتصر رسالة بعنوان "سلوكيات صارت في الجينات لاتصلحها السياسات!!"، وذلك عبر صفحته الرسمية على فيسبوك، وجاء بنصها :
النهارده كنت في مكتب البريد بابعت كتاب لأصدقائي في استراليا ، واذ فجأة يأتي من كان خلفي في الطابور ليقف الى جانبي ويراقبني وأنا أكتب معلوماتي ورقم تليفوني ويشاركني الحوار مع موظف البريد ويتدخل بلزوجة!!
نظرت اليه وقلت له :
-ان ما كانش فيها اساءة أدب مني، هو الطابور بيبقى بالطول ولا بالعرض؟!
-مش فاهم حضرتك؟
-يعني حضرتك واقف جنبي ليه؟ وقاعد بتبص ع العنوان ورقم التليفون بمناسبة ايه؟؟
رد عليا بأعجب اجابة: أصل أنا مستعجل!!
-ووقوفك جنبي حيعمل ايه في استعجالك ؟؟ حيقلقني مثلاً فأسيب الظرف وأمشي يعني؟؟! في النهاية الراجل المحترم مش فاهم أنا متضايق ليه ، ولا واصله ان ده سلوك غلط .
والمصيبة انه موظف في بنك له حيثية !!، المشكلة ان ده بألاقيه بيتكرر أمام ماكينات الATM وفي طوابير البنوك في الميكروباص واللي جنبك عينه في الموبايل بتاعك في المترو لما اللي جنبك يعلي صوت الموبايل وهو بيسمع أغنية ولا جلسة وعظ ولازم يسمعها لك غصب عنك ولا اللي يعلق ميكروفون الجامع على بلكونتك …الخ، الناس في مصر لا تعترف بحاجة اسمها المساحة الشخصية للبني ادم انت مستباح للكل.
