عداد الغاز الذي يعمل بالكارت صار لعنة كل بيت مصري ،طوابير المواطنين الذين يشتكون أن الغاز قطع فجأه والكارت فيه فلوس كتيير صارت عادة يومية في شركة الغاز .
المواطن مش فاهم حاجة والموظف نفسه متلخبط كارت الكهربا نعمة وسهل بالنسبة له لكن مع عداد الغاز انت بتتعامل مع مفاعل نووي معقد.
الكارت مش زي الكهرباء ما تعرفش تشحن م الموبايل لازم تروح الشركة!!! وموظف يقول لك اشحن كل شهر وموظف تاني يقول لك اشحن كل شهرين لأ روح حدث الكارت لأ كلم الطوارئ !!!.
السؤال ليه تشحن الكارت كل شهر ومشاوير وتكلفة وتعطيل وهو فيه رصيد ميه ومتين جنيه!!؟؟ هو عذاب وخلاص الغاز شئ حيوي وما ينفعش يبقى السيستم بهذا التعقيد ويبقى العداد الغاز أبو كارت يمثل قطعة عذاب للمواطن كفايه عليه متاعب ومشاكل تانيه أهم يفرغ لها أعصابه ووقته
أرجوكم سهلوا ع الناس .
وأول خطوة ما دام الكارت فيه رصيد ما تقطعش عليه ويبقى الشحن بالنسبة له اتاوة شهرية ده المواطن دلوقتي ناقص يحضن عداد الغاز القديم ويعمل له تمثال ونصب تذكاري، كان عداد طيب والمحصل بييجي والغاز ما بيقطعش عداد الغاز الكارت عقاب لا يستحقه المواطن المصري
سهلوا ع الناس ربنا يسهل لكم.
