كتب - محرر الاقباط متحدون
كشف نيافة الأنبا ميخائيل أسقف إيبارشية حلوان والمعصرة وتوابعها ورئيس دير القديس الأنبا برسوم، سبب ابتعاد اطفال عن الكنيسة .
وقال نيافته خلال عظة مسجلة بالفيديو :"يشعر اولادنا بالملل ويغادرون الكنيسة لان التاسوني التي تدرس لاطفال ابتدائي واعدادي تتحدث معهم ببطء شديد ، بينما الاطفال يعيشون ايقاع حياة سريع .
موضحا :" العيال سرعة الحياة بتاعتهم بقت اكتيف
جدا وسريعة بالاضافة لسرعة استيعاب المعلومة.
وقام نيافته بمحاكاة عظة قصد ان تخرج الكلمات من فمه بشكل بطيء لتوضيح كيف يعاني الاطفال.
ثم توقف وقال للحاضرين :" في حال استكملت العظة على هذا النحو ستشعرون بالملل، موضحا :" سرعة الاداء تختلف عن سرعة استيعاب المخ.
وتابع :" دي خلقة ربنا خلقها وليها سرعة زمان كانت الناس بتريح وتسمع الترنيمة ، ٣ ساعات والناس قاعدة مبسوطة في الكنيسة مش وراها حاجة.
لافتا :" بينما يعيش الناس الآن رتم الحياة السريع بالتالي يكون استيعابهم ايضا سريع .
موضحا :" سرعة التاسوني خلال الشرح نصف كيلو في السنة بينما سرعة الاطفال 60 كيلو في الساعة .
لافتا :" وهناك اسباب اخرى لابتعاد الاطفال عن الكنيسة ، من بينها حضورهم قداسات طويلة .
وتابع :" ليه الطفل الصغير مش بتخليه يحضر
قداس مُفرح مش 3 ساعات زي النهارده لا قداس مفرح ورتمه ماشي، ويشاركوا هما ويبقوا فرحانين.
واستنكر نيافته التعاليم الخاطئة قائلا :" او تنزلني اجتماع مضلملي فيه الدنيا مطفي النور وتقولي ترنيمة : ليه تعيش مسكين يا خاطئ وحزين وتكون نهايتك جهنم ويا الشياطين تتعذب ويا الشياطين تتعذب.
وتابع :" انا في اعدادي ليه اتعذب ليه مسكين وحزين ليه ؟! ، ما انا مشفتش الحلو بتاعكم وبعد كده ابقى اشوف الحزين.
وواصل :" وتكون نهايتك جهنم ليه ؟ ، ليه بتعمل فيا كده .
موضحا :" بيحصل كدة دي حقيقة على فكرة انا مش بهزر انا اتعلمتها الترانيم دي ورحت الدير بعد كده على طول ما استحملتش.
وتابع :" بتسألوا ليه الولاد بتمشي لا متسألوش.
ونصح نيافته الخدام قائلا :" حب - صادق - ثم اكرز
خدوا التلاث كلمات دول .
وواصل :" حب ولادك وحب المسيح بجد لان المسيح ما قالكش تقول للاطفال ويا الشياطين تتعذب، لا المسيح قال تعالوا الي ادعوا الاولاد يأتون اليا ولا تمنعوهم.
لافتا :" حب بجد ، حب ولادك انت مش موظف جاي تدرس ، السامرية وزكا وطلعت ونزل لا لا لا لا حب - صادق - خليك صديق اللي قالها المسيح يا اصدقائي.
كما اضاف :" نمرة ٣ اكرز، لكن احنا بندخل على اكرز على طول وسع اكرز انا لسه هتكلم انا هكرز على طول.
مشددا :" حب في الاول وصادق الولد هيسمعك في كل حاجة.
