كتب - محرر الاقباط متحدون
قال المفكر والطبيب خالد منتصر :" العقلية السلفية مستحيل تعمل آيفون، ليه ؟ لان العقلية السلفية لا تؤمن بالتطور ولا التغيير وتعشق الركود والثبات والعيش في الماضي وترديد كلام الأقدمين .
مضيفا عبر حسابه على فيسبوك :" شركة أبل نجحت ليه؟ الأب ستيف جوبز زرع فيهم الابداع والابتكار والتفكير خارج الصندوق، لكن هل الموظفين اللي جم بعده قدسوه ؟ لأ ..ده تجاوزوه كمان، وتفوقوا حتى على سقف أحلامه، وأول ايفون دلوقتي ب يعتبر بدائي جنب ايفون ١٦ ، ستيف جوبز ليس عندهم خاتم المبدعين، الآيفون انتشر في العالم كله ، ما فيش بيت الا فيه ايفون أو بيحلم بآيفون، لكن هل الآيفون انتشر بالغزو؟ بالحرب؟ بالسيف؟ لأ ..الآيفون انتشر بما وفره من امكانيات وجماليات وتفوق في مدة البطارية والسرية وصعوبة الاختراق ..الخ
لافتا :" ده العلم وده ابداعه، ما بيقفش عند محطة الماضي ويقعد يلطم ويحقد على نجاحات الآخرين ويقول أنا خير تليفون بالماضي التليد المجيد بتاعي بيقول أنا خير تليفون بالاضافة اللي بيضيفها كل سنة للآيفون الجديد .
كما اضاف :" الناس دي تستحق اللي هي فيه واحنا نستحق اللي احنا فيه هناك العقل بيسأل وما بيتقالوش حرام تفكر هنا العقل بيتحنط والشيخ يطلع يتفاخر بإنه ما قراش ولا كتاب الا المصحف وان ورقة الكلينكس عنده أفضل م الصعود للقمر وان العلماء الغربيين الكفار دول مسخرين لخدمتنا .
كما لفت :" لو حسبت مكونات الايفون ..شوية البلاستيك والسليكون ..الخ بكام حتلاقيها ب 8 دولار لكن بيتباع ب ٨٠٠ دولار ليه؟ عشان وراه مخ جهد العقول دي لها تمن وسعر غالي خلينا احنا في مشاكلنا المستعصية ، البنت تغطي شعرها ولا لأ؟! ماهي مواصفات المايوه الشرعي؟ هل ممكن تحط كولونيا وتنتف حواجبها؟!..الخ وعجبي .
