كتب - محرر الاقباط متحدون
علقت حركة طالبان المتشددة حملات التطعيم ضد مرض شلل الأطفال في أفغانستان، وأكد المفكر والطبيب خالد منتصر ان هذا القرار يعكس جنون وتخلف وجهل الحركة.
مضيفا عبر حسابه على فيسبوك :" أفغانستان وباكستان الدولتين اللي عاملين صداع لنا بإنهم بتوع الشريعة والجهاد هما الدولتين الوحيدتين ف العالم اللي بيقاوموا تطعيم شلل الأطفال ، ومنظمة الصحة العالمية مش قادرة تعلن ان العالم قضى على شلل الأطفال زي ما قضى ع الجدري بسببهم!!!.
وتابع :" يعني تطرف الاسلاميين مش مضايق أوروبا بالارهاب وبس ، لأ ده مضايق العالم كله بالمرض وبالأدمغة الأسمنتية المتحجرة!!، تخيلوا ايه السبب اللوذعي العبقري في مهاجمتهم لحملات شلل الأطفال ومطاردتهم في الجبال ومحاولات قتلهم السبب إن الدكاتره دول كفره وجايين يعقموا أولادنا وبناتنا المسلمين والمسلمات ، ومش حيخلوهم يخلفوا ويزربوا زي الأرانب !!، حاطين لهم حبوب منع حمل في التطعيم ، وأعشاب الحاد مع زيت الكافور في النقط !!.
واختتم :" والله كوميديا سودا هما البشر المتخلفين أعداء الحضارة والجمال دول مش قادرين يستوعبوا إنهم قتلة !!! ، طيب خليكوا قتلة للآخرين مش لأولادكم !!ولسه فيه ناس مستغربة ومندهشه هو ليه فيه اسلاموفوبيا؟؟!! صحيح ليه ما الناس بتوع الشريعه كيوت أهم!!.
