ديڤيد ويصا
سألته: هو "هدوء" العلاقة، دليل انها صحيّة؟
--
قال:
العلاقة الصحيّة مش بيميّزها عدم وجود خلافات ..
لكن في القدرة على الاستمراريّة رغم الخلافات ..
وقوتها اللي بتزيد رغم الاختلافات ..
الاختلاف هو "اختبار" للعلاقة ..
لو وقعت، تبقى هشّة ..
ولو استمرّت، تصلب وتقوى مع الوقت!
--
الهدوء يا ابني زي البحر الهادي للسفينة ..
وجوده ممكن يخدع القبطان بقوة السفينة ..
لكن الريح الشديدة هي الاختبار الحقيقي للسفينة ..
يوم ما تصمد، من حق القبطان يثق فيها ويكمّل بيها!
#حوار_مع_صديقي_الوحيد
#ديڤيد_ويصا
