د. أمير فهمى زخاري المنيا
لو جبتى كيلو طماطم يادوب هيكفى أكلتين وممكن لأ ✋ تعالى اعملى بالكيلو طماطم صلصة تكفى كذا أكلة 🤗
هاتى كيلو طماطم أحمر قطعيها قطع وحطيها فى حلة وقطعى بنجريايه وبطاطسايه وضيفى كوباية ميه ومعلقة كبيرة سكر ومعلقة كبيرة بابريكا وقلبيها
حطى الحلة على نار متوسطة وسبيها تتسبك بعد ما تتسبك سبيها تبرد واضربيها فى الخلاط ومتصفيش القشر هو بيتهرى أصلا حطيها فى علبة او برطمان بغطاء وحطيه فى الثلاجة (الفريز).
خدى منها كبشه أو اتنين واعملى بيها الأكل هتكفى كذا أكلة...
دى طريقتى الطماطم غاليه رخيصه بعملها كده ودايما أكلى لونه احمر وجميل من غير ما أضيف طماطم كتير
البنجر والبابريكا هيديها لون احمر والبطاطس هتديها قوام تقيل والسكر علشان تعادل الطعم وتمنع الحموضة كلها أضافات مفيدة ومغذية...
التدبير نص المعيشه...
