د.أمير فهمى زخاري 

 
* مالكيش علاقة بمرات اخوكى ،(،،لبست ايه جابت ايه .اكلت ايه.شربت ايه ...ملكيش دعوة )
* مالكيش علاقة بسلفتک
* مالكيش علاقة باخت جوزک...
علاقتك بيهم قايمة ع الود والاحترام فقط وحطى تحت الكلام ده والكلام الجاى مئه خط
ومالكيش علاقة بيهم وبخصوصياتهم وقللى من العلاقات والحوارات اللى تعملك مشاكل ...هما حرين بأي حاجة بيعملووها ... وانتى حرة فى أى حاجة تعمليها
 
* إنتي مش خدامة حد ولا حد خدام عندک .. كل واحد خادم لنفسه"..وأي حاجة حتعمليها تبقى ذوق منك..
 
* مفيش حد مجبور يغسل الصحن اللي أكلتي فيه .. ومفيش حد مجبور يطبخ ويأكلک..
 
* اقطعي علاقتک بأي حد يسحب راحة بالک وإوعي تكوني منافقة ارضاءا لغيرك .قولى ارائك بلباقه وبذوق.وبلاش مبدأ انا اقول للاعور انت اعور فى عينه حتى لا تتسببي فى جرح الاخرين
 
* مفيش حد مضطر يتحمل شقاوة ولادک بحجة انک مدلعاهم.. كوني خفيفة الظل.ودلعى ولادك فى بيتك
 
* إوعي تخربي حياة حد لو عايزة ربنا يعمر بيتک اوعي تخربي بيوت حد
 
* لا تتدخلي بين الإخوان والأخوات بل اصلحى بينهم هيحبوكى
 
* متسعديش حد ع حساب سعادتک حتى لو بكلمة.. ومضحيش براحتك علشان راحه حد علشان محدش بيقدر وكله بينسى
 
* اوعي تسكتي عن حقک 
 
* خلي علاقتک بأهلک كويسة أوي لأنهم سندک الحقيقي بعد رب العالمين * اوعى تفرطى فى اخوكى. اواختك لانهم صله رحمك
•خلى تعاملك مع الناس فى حدود علشان محدش يتجرأ عليك!
 
☆ لا تتعاملي بعشم مع اي حد مهما كان عشان لا تتظلمي ولا تظلمي وبلاش العشم ياخدك. لا تعشمى الا فى الله رب العالمين.
من الآخر خليكي في حالک
 
هكرر تانى....
خليكي في حالک تعيشي سعيدة ربنا يجعل حياتكم كلها سعاده فى سعاده.