العناية بالشعر

بالنسبة للعناية بالشعر هتكلم عنها شوية لأن الناس بتسألني كتيييير.. 

أول حاجة خليني اتكلم عن نوعين من العناية بالشعر علشان نحل المشكلة من جذورها سواء كان تساقط او تقصيف او عدم طول او غيرها..

لازم هنعمل حاجتين بعد ما نتأكد ان مفيش مشكلة صحية هي السبب في تساقط الشعر .. هنعمل تغذية للشعر داخليا وتغذية خارجية...

 

 التغذية الداخلية .. لازم ناكل أكل صحي ومتوازن وسلطة او خضار وفاكهة علشان نحصل على الفيتامينات.. كمان اكل الجرجير والخضروات الخضراء بشكل عام مفيد جدا للشعر ..

وطبعا بجانب التغذيه ممكن نحصل علي الفيتامينات من الأدوية العلاجية مثل:

📍اوميجا 3...ودي مفيدة للشعر و بتقلل التساقط وبيزود الكثافة

📍زنك وحديد..ودا بيساعد علي إطالة الشعر وتقويته

📍البيوتين ودا فيتامين ب مركب بيقوي بصيلة الشعر وبيمنع التساقط وبيساعد على طوله ..

 2- تغذية خارجية ودي عبارة عن حمام زيت او كريم بتكرريه مرة او اثنين في الاسبوع علشان تغذي شعرك وتطريه ونقلل من التقصف والهيشان ..

👌أفضل زيوت للشعر:

📍 زيت اللوز ...لفرد وتنعيم الشعر

📍زيت الخروع...لعلاج الشعر الخفيف وتكثيف الشعر

📍زيت جوز الهند ...لنعومة الشعر وتغذيتة وزيادة كثافته

📍زيت الجوجوبا...لمنع تشابك الشعر وترطيب بوصيلاته وتنعيمه وبيتقل الشعر

📍زيت الأرجان المغربي ...لمعالجة الشعر التالف ولنعومة الشعر وإطالته وحمايته من التقصف

📍زيت بذور العنب... لمعالجة اي مشاكل او التهابات ناتجة عن القشرة في فروة الرأس وقد تكون مسؤولة عن التساقط .. 

وطبعا طبعا زبدة الشيا دي بترطب الشعر جدا وبتطري الشعر وبتدي لمعة جميلة وحيوية .. 

ممكن تستخدمي كل زيت لوحده أو تعملي خليط من نوعين او ثلاثة من الزيوت مثلا:

- زيت زيتون مع خروع وجوجوبا .

- او زيت جوز هند مع خروع مع لوز وهكذا ..

الزيوت أنا بفضل تكون حمام زيت وتدلك بيه الفروة كويس ويغطى الشعر بغطاء بلاستك ويترك ساعتين وبعدين تغسليه بالشامبو عادي.

ناخد بالنا من شوية حاجات كمان:

* بلاش مكواة كتير وسيشوار لانهم بيرهقو الشعر جدا 

* بلاش صبغة كتير وخصوصا اللي فيها سحب لون بتدمر الشعر خالص ..

* بلاش تشد الشعر وهوا مبلول ونرهقه بالتسريح الجامد ويفضل نستخدم مشط خشب مش بلاستك..

* قصي اطراف شعرك كل 3 شهور علشان يتجدد ويطول اسرع

* بلاش زيوت كتير وخصوصا ع الشعر الناشف لانها ثقيلة على الشعر وبتلم تراب وممكن تخليه يتقصف.. اعمليها حمام زيت زي ما شرحت فوق 

واستخدمي على الشعر ناشف سيروم وعلى الشعر المبلول كريم...

اتمنى ان أكون وفقت فى الإجابة على كل تساؤلاتكم فى موضوع العنايه بالشعر... تحياتى.