المنطق والمشاعر فى ردود الزوج على زوجته..

رد منطقى / هتلاقيه من النوم على المروحة أكيد ..

رد المشاعر / ألف سلامة عليكى ياحبيبتى تعالى نروح للدكتور عشان اطمن عليكى ..

 

رد منطقى / لو مش بحبك كنت هتجوزك ليه ؟

رد المشاعر / مبحبش حد قدك ولو رجع بيا الزمن هحبك انتى تانى ..

 

رد منطقى / مبروك عليكى 

رد المشاعر / أنا عارف أن كل حاجة بتبقى عليكى حلوة بس يالا عشان أشوفه عليكى ..

 

رد منطقى / اللى يريحك مش هغصب عليكى ..

رد المشاعر / مفيش حاجة أسمها لوحدك طول مانا موجود ..

 

رد منطقى / متتأخريش بره 

رد المشاعر / عايزك تتبسطى على قد ماتقدرى وخلى بالك من نفسك وحاولى متتأخريش.

 

رد منطقى / تمام 

رد المشاعر / هو أنا عارفك امبارح !! يالا قوليلى ايه اللى مضايقك ..

 

رد منطقى / وانتى كمان 

رد المشاعر / وانتى وحشتينى اكتر ياحبيبتى ..

 

رد منطقى / اه عندى شغل ..

رد المشاعر / مفيش حاجة تشغلنى عنك بس عندى شوية شغل هخلصهم وابقى معاكى ..

 

رد منطقى / كل مشكلة وليها حل ان شاء الله

رد المشاعر / ان شاء الله هنلاقى حل سوا ياحبيبتى طول مانا جنبك متقلقيش ..

الستات أبسط مما تتخيلوا .. الست بس بتحتاج راجل ذكى فاهم أن المنطقية والعقلانية مش دايماً بتكسب .. وأن الردود اللى نابعة من القلب بتخش دوغرى للقلب ..

أوقات بيحتاجوا حد يكون فاهم أن كل اللى عايزينه كلمة تطبطب وتفرح وتبسط وتطمن .. 

مش مجرد كلمة تسكت وتنهى الحوار .. 

مش دايماً لغة الحوار بالعقل بتكون أذكى حاجة .. 

والمواضيع اللى ممكن تقعد تهاتى فيها ساعة بالمنطق أوقات ممكن تخلصها بكلمتين حلوين ..

الستات ضد المنطقية .. كلمهم بالمشاعر هتكسب .. هتكسب كل حاجة .

يارب نفهم...