بقلم جُورج حَبيبْ
صَباح الفُل يا حَبايبنا
ألليل مَضي وِعَدي يا إخَواتنا
وآدي النهار مِنور ونُوره قُدامنا
نِضحك وِنفَرفش والأملْ يملأ حَياتنا
لا يأس ولا حُزن دا مُوش تَبعْنا
إحنا يومنا أبيض والفَرحة جُوه عُيونا
المَريِض رَبنا يشفِيه
وِ رَبنا هَيسندُه ويقُويه
وإللي عَنده مَشَاكل
وفَاكر رَبنا عَنه مُوش سَائل
هَيفرَحكْ وِحَتتحَل
والحَل مَفيش أحسَن منُه حَل
بَس إستَني وِمَتستعجْلش
الحَل جاي بَديع وِمتتخيِلش
يومنا جَميل يا جَماعة
يومنا فُل وكُله سَعاده
إوعوا تفقِدوا الأْمل
وتقُولوا خَلاص مَفيش آمل
أُمال رَبنا فين يا غَلابه
دا كُل حَياتكم عَندُه مِتشَافه
وِحِلول مَشاكلكُم عَنده مِتشَاله
بَس إهدوا يا حَبايب
وإفرَحوا دَا يَسوعُكم هُو الغَالبْ
قُوموا وإفرَحوا
إجروا وإدلَعوا
وِبجنحتكُم طِيروا وِحَلقوا
ولمشَاكل الأرض إنسوا ولا تيأسوا
صَباح الفُل ونَهاركم زي الفُل
هَا تقولوا كِفاية سَعادة بَعد الذُل
رَبنا يفَرح قُلوبكُم
وكَمان يطيِب خَاطركُم
ضِحكة عَالية عَايز أسمَعها
مِن القَلب طَالعة وِبنكَررَها
