صفوت سمعان : طرد الاطفال من جمعية الشمس المشرقة لرعاية الايتام بالأقصر بعد وفاة السيدة الاجنبية التي انشأتها

اعلن صفوت سمعان، مدير البرنامج العربى لنشطاء حقوق الإنسان ، طرد الاطفال من جمعية  (صن شاين )الشمس المشرقة للأطفال بالأقصر.

 

مضيفا عبر حسابه على موقع التواصل الأجتماعي "فيسبوك" :"جمعية  (صن شاين )الشمس المشرقة للأطفال بالأقصر والتى انشأتها سيدة اجنبية  وجمعت كل الاطفال اليتامى والشوراع واحتضنتهم  والبستهم واطعمتهم وعلمتهم وتكلفت مبالغ طائلة وقامت بالتبرع بما يقوم بأستمرايتها ، قرر مسئولى الجمعية بعد وفاة السيدة الاجنبة طرد كل الاطفال فى الشارع واعطتهم مهلة اسبوعين لتركها .

 

 

وواصل :" هذه معلومات اولية ارسلها زميل  ويبقى التساؤل اليست هذه جمعية تتبع الشئون الاجتماعية التابعة لوزراة التضامن ومن ضمن مسئوليتها ولماذا تريد اغلاقها وترحيل من يتبقى  أوالتهديد بالطرد للشارع، وهل من آلت اليهم سلطته غلقها وطرد الجميع، السادة الصحفيين ارجو متابعة الموضوع والافادة اذا كان الموضوع له وجه آخر ومادور الشئون الأجتماعية تجاه ذلك هل دورها المساندة ام الغلق ، وهل هناك مسئول ينقذ هؤلاء الأطفال وهذا دور المحافظ والدولة.

 

يوم ٢٩ / ١٠ / ٢٠٢٤ تم إخلاء قرية الصن شاين (( دار رعاية الأولاد والبنات )) ، منهم اللي استلم ومنهم اللي سافر ومنهم اللي أجر في نطاق الأقصر لظروف شغله بسبب بُعد مسافة شقق الوزارة في طيبة ، أما بالنسبة للبنات بعضهم استلم (( المتزوجات )) والباقي غير قادرين على تحمل بعدهم عن بعض لبعد الشقق عن بعضها في طيبة ، وأيضاً  غير مؤهلين لتحمل أعباء مسؤولية / مواصلات / مصاريف / معيشة ف اختارو انهم يكملو مع بعض في دار رعاية البنات والوزارة قررت ان اللي هتفضل في الدار هيتوفرلها أكل فقط وهيتم تطبيق ضوابط جديدة على دار البنات .

 

آخر قرار للوزارة ان اللي استلم شقة استلم ، واللي ما استلمش مش هياخد شقة خلاص  دعواتكم بصلاح الحال وسعة الرزق والحفظ والبركة وجبر الخاطر لجميع أبناء الصن شاين.

 

اللي حصل ٢٦ / ١٠ /٢٠٢٤  في تطور جميل حصل في الموضوع بفضل الله وبدعمكم ودعم فضيلة الإمام الأكبر الشيخ أحمد الطيب  تواصل فضيلته مع رئيس مجلس الوزراء و وزيرة التضامن ومازالو بيدرسو حلول مرضية وغير مضرة ب أبناء الصن شاين  بس لسه الموضوع محتاج دعواتكم بالتيسير 

 

خلاصة اللي هقوله ان النهاردة جه وفد من وزارة التضامن بيوصلو رسالة تعنيف للأيتام بمنع رعايتهم والتكفل بأي جنية ليهم لو ما مشيوش من دار (( الأولاد / البنات )) و راحو لشقق في ابعد مكان في طيبة ... بنحاول نوصل صوتنا لأي مسؤول يقدر يساعد ويمنع الموضوع ده .... ولكن  لو حابب تعرف القصة ف انا جاي اتكلم عنها الصن شاين (( قرية الشمس المشرقة للأطفال ))  اللي اغلبنا عرف المأساة اللي بيعيشوها دلوقتي، هو دار لرعاية الأيتام بالأقصر وتحديداً في جزيرة العوامية بجوار قصر الثقافة.

 

كل دا كان تحت رعاية (( أجانب )) عندهم رحمة بالأطفال اللي بلا مأوى (( أكل - رعاية - تعليم - كافة الاحتياجات ))  كدا تمام !! ، كل دا من ٢٠٠٥ تقريباً لحد ماوصلنا ل ٢٠١٥ واتربو معانا و في بيوتنا و كانو من أجمل وأخف الناس على قلوبنا كلنا .

 

تعالى بقى اللي حصل بعد ٢٠١٥ لأسباب معينة الأجانب ((اضطروا)) يرفعو ايدهم من رعاية الأيتام 

 اللي المفروض دولتنا اللي ترعاهم من الأول مش حد من برا فضلو فترة بدون رعاية وكنا احنا سند ليهم ومعاهم ولكن حالهم تدهور ومرو بمواقف صعبة بسبب قلة التبرعات والدعم الكافي، لغاية ما تم ضمهم لقطاع الشؤون الإجتماعية بوزارة التضامن الإجتماعي و تحملت جزء من رعايتهم (( أكل + جزء من مصاريف دراستهم .

 

بدأت المصاريف تتزايد مع الغلاء و مفيش أي عائد ليهم 

و دعم الوزارة أصبح غير كافي.

 

بدأ الشباب يشتغلو ومش مهم هيشتغلو اي المهم يكفو نفسهم من متطلبات الحياة اللي اصبحت عسيرة حالياً .... 

اللي اشتغل في صيدلية - قهوة - محل - بلايستيشن ... الخ 

وكذلك البنات ... وكل دا عشان يكفو مصاريف دراستهم ... 

وهما راضيين ومش معترضين و بيقولو الحمدلله طالما هما مع بعض و متجمعين و حوالين بعض.

 

دلوقتي وزارة التضامن عاوزة تقفل الصن شاين بالكامل بهدف تحسين المعيشة للأيتام ولكن للأسف كان قرار يحتاج إلى إعادة نظر (( طبقاً لظروف غلاء المعيشة وبعد مسافة إقامتهم الجديدة وبعدهم عن بعض كإخوة وأخوات )) ...

ولكن الوزيرة أصرت تديهم شقق وكمان مش هتبقى جنب بعضها وفي ابعد مكان في طيبة يعني صحرا ومفيش مواصلات ولا أمان و البنات في حتة لوحدهم و شقق متفرقة وبعيدة  !! 

ولما رفضوا انهم يتدفنوا بالحيا و يروحو مكان زي دا

رد عليهم مسؤولين في الوزارة ان لو ما مشيتوش هنمنع عنكم كل أنواع الرعاية ومفيش جنية واحد هيتصرف عليكم ((كنوع من أنواع التهديد والتعنيف.

 

الشباب دول شغلهم وتعليمهم وناسهم وصحابهم وكل حياتهم في الأقصر ، اي فايدة إبعادهم وطردهم رغماً عنهم ؟؟؟ 

هتقولي هيستلمو شقق طيب وهيسيبو اصحابهم والاماكن اللي اتربو فيها طيب و الكهربا والميا والغاز والأكل ومصاريفهم الدراسة والمعيشية والمواصلات مين يشيلها ل 65 فرد !!! 

ولو حصلت مشكلة لا قدر الله مين يلحقهم !!!! 

 

انا مش بتكلم غير عشان انا حاسس بالمأساة دي وعايشها كإني واحد منهم ... عشان كده احنا متضامنين معاهم و مكثفين حملة ضد انهم يخرجوهم من أماكنهم

ورافعين هاشتاج الهاشتاج دا هيلف مصر كلها عشان اللي هيتضامن معانا ف هو انسان و عنده رحمه و ثوابه كبير عند ربنا و اللي هيطنش ما اعتقدش ان في قلبه ذرة رحمة.

 

قال رسول الله صلى الله عليه وسلم (( أنا وكافل اليتيم في الجنة كهاتين - وأشار بالسبابة والوسطى )) 

قال تعالى (( فأمَّا اليتيمَ فلا تقهر ))

شييير للبوست فضلاً وليس أمراً 

هيفرق جداً والله 

وارفعوا هاشتاج 

 

#لا_لخروج_فتيات_مؤسسه_الشمس_المشرقه

#ادعم_أيتام_الصن_شاين

Sunshine Home 

The sunshine project مؤسسة الشمس المشرقة