د.امير فهمي زخاري المنيا
وهاشرح لكم كمية المواد الحافظة اللى بتتحط على المعجنات بالتفصيل وضررها وعلامات فسادها.
المواد الحافظة فى المعجنات ثلاثة أنواع:
١- مواد حافظة ضد الميكروبات (الفطريات والبكتيريا) وأنواعها
مواد أسماؤها:
= بنزوات Benzoates ودى إما تكون بنزوات صوديوم أو بوتاسيوم أو كالسيوم (ضارة).
= مواد اسمها بروبيونات Propionates ودى بروبيونات كالسيوم أو صوديوم (دى بتدى المنتج ريحة زى ريحة الصابون أو الكلور لما تشمه).
= مواد اسمها سوربات Sorbate بوتاسيوم واسمها العلمى Sorbic acid.
------
٢- مواد حافظة مضادة للأكسدة (عشان تمنع تأكسد الزيوت وتمنع تغير الألوان الطبيعية فى المنتج)وأنواعها:
= مادة فيتامين سى أو Ascorbic acid (طبيعى غير ضار).
= مادة اسمها BHA, BHT ودى مادة فعالة لكنها مادة صناعية ضارة.
------
٣- مواد حافظة اسمها موانع تكسير أو Sequestrants
ودى مادة شهيرة اسمها EDTA أو حمض الستريك ... والمادتين دول صحياً غلط.
=================
اللى قلته فوق ده أغلب أنواع حفظ الأطعمة المعجنة (عيش / كرواسون / بسكوت / كرواسون محشى جبنة وشكولاته الخ) وبيتحط كل الأنواع دى فى أى منتج.
==================
المواد دى عشان تشتغل وتمنع التغير فى المنتج لازم تشتغل فى درجة حرارة معينة وبيكون لها صلاحية معينة باليوم.
===================
معنى أنك تفتح كيس أكل فى فترة الصلاحية وتلاقيه فاسد يبقى حاجة من خمسه:
1- المادة الحافظة المستخدمة بايظة.
2- المنتج الأصلى (معجنات) أصلا كان بايظ.
3- المنتج رجع المصنع وغيروا الكيس بتاريخ صلاحية جديد.
4- المنتج حصل فيه ثقب معين فى الكيس ودخله هواء أو أى مادة تانية.
5- سوء تخزين وعرض المنتج لو صاحب المكان حاطط المأكولات دى فى الشمس (وده أغلب الحالات).
====================
اللون الأخضر اللى فى شكل بقع ده عبارة عن فطريات طلعت على المنتج نتيجة انتهاء مفعول المادة الحافظة اللى لم تعد قادرة على إيقاف نمو الميكروبات دى..
الفطريات لونها اخضر وبيبان لكن البكتيريا مش بتبان فكيس زى ده بيبقى عبارة عن لغم مليان فطريات وبكتيريا.
=====================
لو لاحظتوا فى الأكياس بتلاقوها منفوخة هواء مش طبيعية ده علامة من علامات فساد الطعام لأن الفطريات والبكتيريا اللى جوة بدأت تتنفس وده نتيجة تنفس الفطريات اللى عششت فى المنتج.
❎ فلو مضطر تشترى حاجة زى كده هات كيس مايكونش متعرض للشمس ومايكونش منفوخ هوا وافتحه قدام صاحب المكان وشوف أى تغير فى اللون.
===================
❎جنبوا أولادك وأنفسكم كل المأكولات المحفوظة المواد دى كارثية يعنى مش كفاية بتاخد ضررها لا دا احنا بناخد ضررها الكيميائى وضرر المنتج لما يبوظ.
=====================
❎كل ده بيسبب ضعف لمناعة الأطفال بشكل لا تتخيلوه فعشان خاطرى ابعدوا عن أولادكم كل ما هو محفوظ.
أرجع وأقول الأكل البيتى الطازج ... صحى ومضمون ... تحياتي
د.امير فهمي زخاري المنيا
