كتب - محرر الاقباط متحدون
علق المفكر والطبيب خالد منتصر، على خبر القبض على دكتورة مزيفة بكفر الشيخ زعمت في فيديو بأن أغلبية النتائج تؤكد عدم نسب الأطفال لوالديهما ، وقالت وزارة الداخلية انها حاصلة على بكالوريوس زراعة وتدير معمل تحاليل بدون ترخيص.
وكتب منتصر عبر حسابه على فيسبوك :" ما شاء الله الدكتورة الورعة التقية المؤمنة المتوضئة الواعظة الصائمة القانتة اللي كتبت عنها وحذرت وطلبت ملاحقتها ، واللي كانت بتقول انها مش قادره تلاحق على زحام طوابير الآباء اللي طالبين تحاليل دي ان ايه ، واللي بيكتشفوا إن عيالهم مش عيالهم!!.
مضيفا :" الست الدكتورة دي ما طلعتش دكتورة!!!طلعت خريجة كلية زراعة!!!، النصب بالدين شغال ع ودنه، وحيفضل شغال طول ما فيه مستهلكين متخلفين مضحوك عليهم ومخدوعين بالدروشة والجلا جلا وألاعيب الحواة اللي بيمارسها سماسرة السماء.
وكان حذر منتصر من هذه الطبيبة المزيفة خلال منشور بعنوان "شوطة الطبيبات الواعظات"، وجاء بنصه : هوجة الطبيبات اللي بينشروا فكرة ان مصر كلها حمل سفاح زادت!!!وبقت ظاهرة دي واحده تانية بتتفرج على أفلام هندي كتير ، وبتقول انها مش ملاحقة من كتر تحاليل الدي ان اللي بتطلع نتايج ان الأب مش هو الأب!!!!، خطة سلفية اخوانية محكمة لإظهار إن البلد تحولت لما خور بعد سقوط الاخوان وابتعادنا عن صحيح الدين والمهم إن حسب كلامها عرش الرحمن بيهتز فقط م اللي بتعمله ستات مصر!!!اللي يعرف الدكتوره دي يبلغنا.
