كتب - محرر الاقباط متحدون
تأمل القمص داود لمعي كاهن كنيسة مارمرقس كليوباترا بمصر الجديدة، في آية (مز 83: 1): اللهم لا تصمت لا تسكت ولا تهدأ يا الله."
وقال خلال تقديم برنامج (ساعة على الهواء), المُذاع على قناة (مي سات)، القبطية الارثوذكسية :" واضح على القائل انه قد ضاق ذرعا، لم يعد يستطيع التحمل فقال لله تدخل ولا تصمت .
لافتا :" حكاية ان ربنا يسكت يا احبائي هي كلمة مش دقيقة لان ربنا بيتكلم لكن ساعات الواحد يتهيأله ان ربنا ساکت بيتفرج.
وتابع :" السكوت عند الله له حكمة دائما، هو ساكت بس واخد باله ولكل امر تحت السماء وقت ، ساعات احنا مستعجلين وعاوزين طلبنا دلوقتي لكن ربنا له حكمة اعلى من حكمتنا، "كما علت السماء عن الارض علت افكاري عن افكاركم " .
موضحا :" ربنا بيحسب تدخلاته بحاجات كتيرة اوي احنا ما نعرفش نحسبها زي ظروف العالم كله والوقت المناسب.
