️ممدوح الديري
ارزاق الناس مهياش لعبه
والعيشة مش سهلة دي صعبة
شوفولكم حل انهوا اللعبة
راح يجي الموت ينهي الغربة
وهتسكن لازم في التربة...................
فرحان وبتلعب علي كيفك
عامل عنتر شايل سيفك
واهو بأن لنا كدبك وزيفك
مش تعرف بردك من صيفك
هتضيع بافعالك بالضربة...................
الضربة هتيجي من أحبابك
والموت اهو واقف علي بابك
هتلاقي في الآخرة عذابك
ودي نتيجة زيف الغربة....................
الغربة تعيشها بأمانة
مش تاكل الناس الجوعانه
عريت الناس العريانه
هتموت في الأرض وفي الغربة........
الغني مش بس دي فلوس
او انك علي الخلق تدوس
او حامي نفسك بنفوذ
واهي جية عليك ايام صعبه............
فرحانة السما بالامناء
دي مبتدخلش الجهلاء
خليك يابني من العقلاء
مش تاخد حاجه من الغربة..............
✍️ممدوح الديري✍️
