عايش سفلقة

لفظ بمعنى عزم نفسه علي حساب الغير او بدون دفع المقابل وتعنى ايضاً الهروب من الدفع مثل " دخلت السينما سفلقة".

 

يبدو أسم القاموس مش غريب قوي على كتير من الي سمعوا الجملة دى (أوو ده شاب ايه روش طحن ) ,,,وحاولت كتير اقف عند الجملة دي لما سمعتها وقلت لازم ارجع لأصلها واشوف هيا ليها اساس ولا هوا كلام بنقوله وخلاص فلقيتها تنقسم لكلمتين ده على حسب اصلهم الاساسي:

 

- روشنة أسلوب حياة جديدة يتبعه أبناء الجيل حيث يتخلص من التقاليد البالية المنافية لرغباتهم الشخصية ليعيشوا الحياة بأسلوب عصري وتقاليد من إختراعاتهم.

 

- طحن مصطلح يدل على الشئ الزائد عن الحد أو زائد عن اللزوم.

 

لما قلت هشوف أصل كلمه سفلقه  ده كان الهدف انى اكتشف كل ما هو مستحدث على لغتنا العربية وما يسميه شبابنا ( الكلام الروش ) والى يتنافى مع لغتنا العربية.

سَفْلَقُ كجَعْفَرٍ: موضعٌ بأَستَراباذ، أُضِيفَ إِلَيْهِ الخُور، وَيُقَال فِي النِّسْبَةِ: خُور سفْلَقِيّ، وَقد ذَكَرهُ المُصنِّفُ فِي خَ ور. اسْتِطْراداً فانْظُره.

وسِفْلاقُ، بِالْكَسْرِ: قريةٌ بمِصْر.

 

وترجمه كلمه سفلقة بالإنجليزية هي (Sponge)  بمعنى إسفنجة ...

 

- يمكن تفسيرها علشان الإسفنجة بتشفط كل السوائل اللى في سكتها.

- الإسفنجة خفيفة الوزن.. فاضيه من جوه... بيتملى الفاضي ده بامتصاص وشفط السوائل... واللي بتشفطه بيبقى جوه بنفس حجم السفنجة لا بيكبر ولا بيبان عليه..

 

- الإسفنجة بتشفط كله سواء ميه بيضا.. ميه مش نضيفه.. صابون بيزحلق.. هباب اسود.. كله مش مخليه.. واللي بيعيش سفلقة زيها تمام. 

 

الرئيس السابق حسنى مبارك فى حديث صحفي مع صحفيتين كويتيتين، حين قال لهما.. الشعب المصري عايش سفلقة!! ردت واحدة منهما: لا أحد يتحدث عن شعبه بهذا الشكل يا سيادة الرئيس.

 

قرأ الأستاذ جمال بدوى هذا الحوار، وكان رئيساً لتحرير جريدة الوفد، فكتب مقالاً بعنوان: أصابت صحفيتان وأخطأ الرئيس!

 

فى نفس اليوم، تعرض جمال بدوي لحادث مروع كاد أن يقضى على حياته، نقلوه إلى المستشفى، اتصل به الرئيس مبارك قائلاً: ازيك يا أستاذ جمال؟! قال جمال بدوى: حرمت ياريس! ولكنى رئيس تحرير جريدة معارضة! شوف لى مكان آخر! عينه الرئيس مبارك رئيساً لتحرير مجلة الأزهر.

اوعوا تعيشوا سفلقة ... تحياتي...