د. أمير فهمي زخارى
ومن أهم فوائد القرنبيط:
القرنبيط مصدر غني بفيتامين C، حمض الفوليك، فيتامين K، فيتامين ب المركب وفيتامين هـ، كما يوفر للجسم معادن حيوية مثل الكالسيوم والمغنيسيوم والفوسفور والبوتاسيوم والزنك والصوديوم والحديد دون إضافة أي كوليسترول ضار.
كما يحتوي على البروتين، وكمية كبيرة من المواد الكيميائية النباتية، والدهون غير المشبعة، وأحماض أوميجا 3 الدهنية الأساسية ويحتوي على نسبة عالية جدًا من الدهون.
كما أنه يوفر الألياف الغذائية ويحتوي على كميات صغيرة من السكريات الطبيعية بالمقارنة بالآخرين من أقاربه، مثل البروكلي.
فمن وصفات القرنبيط هي القرنبيط المقلى بالبيض، وصينيه القرنبيط باللحمة المفرومة والبشاميل ومخلل القرنبيط..
وبمناسبه الصيام القرنبيط المقلى بدون بيض...
مكونات القرنبيط المقلى بدون بيض:
قرنبيط مسلوق
نصف كوب دقيق
معلقتان صغيران من مسحوق النشا.
ملح حسب الرغبة
معلقه صغيره من البيكنج بودر
ربع معلقه من الفلفل الأسود والكمون والكركم.
نصف معلقه من الكزبرة الجافه.
معلقه صغيره من الثوم المهروس.
شبت وخضره وكسبره خضرا
بودرة بقسماط مطحون ناعم.
طريقة عمل القرنبيط المقلى بدون بيض
حنحط الدقيق فى بوله ونضيف عليه النشا والبيكنج بودر والفلفل والكركم والكمون ونخلطهم ببعض.
حنحط ميه ونعجن المكونات كلها لحد ما يبقى خليط.
حنحط الملح حسب الرغبة ونقلب كويس.
حنحط الخضرة والشبت والكسبره ونقلب.
فى طاسه على النار فيها زيت سخن حنغطس القرنبيط فى الخليط اللى عملناه ونقلبه فيه كويس عشان يتشرب منه ونشيلها من الخليط ونغطيه بالبقسماط ...
نحطها فى الزيت وهكذا لحد ما نخلص الكمية بتاعتنا
حنطلع القرنبيط على مناديل مطبخ عشان تصفى الزيت الباقي
نحطها فى طبق التقديم ونرش عليها شويه بقدونس
وبألف هنا وشفا ... وكل عام وأنتم طيبين.
