د. أمير فهمى زخارى
لو بتشتري فراخ وطول الوقت زفره
- اول حاجه ..
غيري الفرارجي لأن ممكن يكون العلف مش احسن حاجه او المايه اللي بينظف بيها فيها دم كتير ممكن كمان تشتريها بدري وهيا لسه مياه التنظيف نظيفه قبل ماتتبهدل.
- تاني حاجه..
بلاش تطبخيها في نفس الوقت اللي هتجبيبها فيه استني عليها من ساعتين لـ تلاته ساعات علشان تكون الفرخه صفت الدم اللي فيها وتنشف من السوائل وبالتالي تبقا الزفارة اقل
وياسلام لو جبتيها قبلها بيوم وحطتيها في التلاجه
- تالت حاجه..
اتخلصي من الحته الزياده اللي في الجناح ومن الجزء اللي في اسفل الظهر اللي هو لونه اصفر تحت الجلد وده في كل الطيور بيكون غده دهنيه وكمان تخلصي من دهون الرقبه
وياسلام لو اتخلصتي من الجلد نفسه انتي كدا اتخلصتي من الهرمونات بنسبه كبيره جدا
- رابع حاجه ..
فيه حاجه كدا قمر بيضيع اي ريحه للزفاره الليمون بقشره
اغسلي الفرخه انقعيها في مياه تكوني عصره فيها ليمونتين ورمي القشر معاهم لمدة ربع ساعه وبعدين اشطفيها كويس بالمياه الجاريه
- خامس حاجه..
بلاش خل... خلي الخل لتنظيف الحوض والرخام بعد ما تغسلي الفرخه..
صدقيني بيقوي ريحة الزفارة وبيخليها تاخد وقت في السوا وبيخلي لحمها يشد كدا ♥️
- سادس حاجه..
قبل ماتسلقى الفراخ حطى في مياه السلق لما تغلي بصل بدعكه بالفلفل الاسود والملح وطماطم وجزر وورق لورا وفص ثوم صحيح وبعدين حطى الفراخ بتبقا جميله من اول سلقها بتاخد طعم كل ده والريحه بتبقا تحفه ♥️
بالهنا والشفا... تحياتى.
المصدر:
مطبخ بالهنا والعافيه.
