ديڤيد ويصا
"حاجة مشغول بيها عاوز اشاركها ..
مع أي حد بيدرس (أو هيدرس) في كليات اللاهوت!"
--
الشَّخص اللي مش بيقرا ويجتهد ويبحث ..
ويكون مستعد يتعلّم ويشكّل قناعاته من جديد ..
بناءًا على بحثُه والنتايج اللي هيوصل ليها ..
بيكون سهل جدًّا ينبهر بأي دكتور أو أستاذ بيدرِّسلُه ..
لأنه -حرفيًّا- ميعرفش أي حاجة غير اللي بيسمعُه منه ..
وبتكون النتيجة انه بيتخرَّج من الكليّة، ويكون مُجرَّد "صوت" ..
بيكرَّر ويعيد اللي سمعُه بدون زيادة أو نقص أو نقد ..
بالدرجة اللي بيها بيستخدم نفس الألفاظ والكلمات ..
اللي قالها الدكتور أو الأستاذ اللي كان بيدرِّسلُه في الكليّة!
--
الكليّة مهمّة جدًّا وهتتعلّموا فيها كتير ..
بس إيّاكوا تكتفوا بس باللي بتسمعوه وتقروه ..
وافتكروا ان الرحلة بدإت بالكلية، مش وقفِت عندها ..
اقروا وادرسوا وابحثوا وفكَّروا وكوّنوا رأيكوا وشخصيّتكوا ..
اسمعوا وحلِّلوا وانقدوا، واختاروا الرأي الأقوى مش الأريَح ..
ولو كنتوا قسوس وخُدّام، تبقى المسؤوليّة عليكوا أكبر بكتير ..
لأن كلّنا هنتعلّم منكوا، وأغلبنا بيثق فيكوا بدون تفكير ..
فهتكون أمانة كبيرة جدًّا ومسؤوليّة تقيلة جدًّأ عليكوا ..
إنكوا تمتحنوا كل شيء وتتمسّكوا بالحسَن والأفضل ..
قبل ما نسمعه منكوا ونتعلّم منه ونعمله، وبعضنا هيتمسّك بيه!
الكليّة المفروض تدّيكوا أدوات للبحث، وتنشَّط عقلكوا وتفكيركوا ..
مش تنسخ منكوا شخصيّات زي بعض ..
بتقول بس اللي سمعته من غير نقد ولا تفكير!
ديڤيد ويصا
