كتب - محرر الاقباط متحدون
استنكر الإعلامي إبراهيم عيسى قرار وزارة التربية والتعليم بإضافة مادة التربية الدينية لمجموع الثانوية العامة في النظام الجديد.
واضاف عيسى خلال تقديم برنامج (حديث القاهرة)، المُذاع عبر فضائية القاهرة والناس :"انتوا بتتكلموا جد هتدخلوا الدين في المجموع؟ انتوا مين بالظبط؟ انتوا يعني مع مين وضد مين؟ يعني قولوا لنا انتوا مين عشان نعرف بتفكروا إزاي.
وتابع :" دولة مدنية وقرارات تدخل الدين في المجموع؟! بتدخلوا مقررات مواد أساسية داخل المجموع الكلي؟! .
كما أضاف :"دلوقتي إحنا داخلين على فتنة، لأنه هيتقال: لا أصل امتحان التعليم المسيحي كان سهل جدا، لا امتحان التعليم الإسلامي كان سهل جدا، أنت كده بتعمل مشكلة غريبة جدا وبتحول التعليم إلى مادة مذاكرة وحفظ.
