كتب - محرر الاقباط متحدون
استنكر الكاتب الليبرالي احمد عرفات، حملات الشماتة من قبل المتشددين في حرائق امريكا.
وكتب عرفات عبر حسابه على فيسبوك :"في حرائق ضخمة في "كاليفورنيا/أمريكا". وفي شماتة مش طبيعية منتشرة في صفحات كثير من ناس عايشين حوالينا في كل مكان وكلام زي "الله أكبر واللهم بارك وانتقام إلهي".
وتابع :" أي شخص يشمت أو يفرح في اللي بيحصل محتاج يراجع إنسانيته فوراً، واللي شايف ده انتقام إلهي محتاج يروح يتعالج نفسياً في أسرع وقت من الكراهية والشر اللي جواه ولأن بنفس المنطق بتاعكم في كوارث كثير بتحصل في البلاد الإسلامية كل يوم هل ده بردو انتقام إلهي ! الإنسان السوي والطبيعي هو وبس اللي من كل قلبه هيتعاطف مع الأبرياء هناك وهيصلي ربنا يحفظ كل الناس في كل مكان من أي كارثة بغض النظر عن معتقداتهم وافكارهم.
