محرر الأقباط متحدون
استنكر الدكتور خالد منتصر، ما يتعرض له الاعلامي شريف مدكور، وذلك بعد انكاره لعذاب القبر، مؤكدا أن "مدكور" وأي إنسان عاقل من حقه يفكر ويقول رأيه ويرفض الوصاية.
وتسأل "منتصر" عبر حسابه الرسمي بموقع التواصل الاجتماعي «فيسبوك»: "هي وصلت لدرجة التكفير والتحريض؟ هو أي حد يفكر ويستخدم عقله مجرم وكافر في نظر المشايخ؟ إيه محاكم التفتيش اللي بقت معموله والمشانق المتعلقة لكل واحد بيحاول يقدم رؤية مختلفة فيها إنسانية وعقل؟
وتابع خالد منتصر: "شريف مدكور وأي انسان عاقل من حقه يفكر ويقول رأيه ويرفض الوصاية، وفزاعة التخصص دي سبوبة، وافتكروا إن عمر عبد الرحمن فيلسوف الإرهاب في العالم كان متخصص ومعاه دكتوراه في أصول الدين.. وكان فيه متخصص تاني قال نفس كلام شريف مدكور وأنكر عذاب القبر وحاطين صورته على كل ميكروباصات مصر، وهو الشيخ الشعراوي".
وأضاف: "بلاش الكلام اللي من نوعية لما طفلك بيمرض بتوديه فين.. مش عند متخصص؟ أيوه بأوديه لإن الطب علم والدين معارف، الطب علم تجريبي بيعتمد على البحث والتفنيد وتكذيب المعلومة التي فندتها التجربة
هل تقدر تعمل كده مع الدين؟
والا بتتكفر وتتهم بالرده ويقام عليك الحد؟
عايز تعتبر الدين علم، طبق عليه شروط العلم وأولها طرحه للنقاش والتفنيد طبقاً لحرية العلم.
وأختتم خالد منتصر بتوجيه رسالة دعم للإعلامي شريف مدكور قاله فيها: "يا شريف كن نفسك.. لا ترتدي قناعاً لإرضاء الآخرين، لا تؤجر عقلك مفروشاً لأحد .. ولا تخصع لابتزاز أو ترهيب.. تحياتي لك".
كان الإعلامي شريف مدكور تصدر تريند مواقع التواصل الاجتماعي خلال الساعات الماضية، وذلك بعد انكاره لعذاب القبر.
وبعد الهجوم عليه خرج «مدكور»، للرد عبر حسابه الرسمي بموقع التواصل الاجتماعي «فيسبوك»: «أنا اتكلم في الدين براحتي واقول اللي أنا عاوزه مادام مش باكفر حد والحاجة الوحيدة اللي مش من حق مخلوق يقول لي متتكلمش فيها هي ديني».
وأضاف: «علي الاقل أنا بابحث وباجتهد علشان أزود إيماني ويقيني أنا مش خروف هامشي ورا كلام حد وكل واحد يلم نفسه على الأقل أنا مش باتاجر ولاباعمل سبوبة من ديني وربنا عارف نيتي وهو اللي بيحاسب في الآخر».
وتابع: « ورجاء محدش يدخل على الخاص ويكتب لي أن الدين ده دراسة وعلم خلي كل واحد في نفسه ارجوكم والناس اللي عماله تضحك على الكلام وحاطه دي، انتم عيال قوي علشان مفيش في الكلام حاجه تضحك».
