️ممدوح الديري
عايز ارجع طفل صغير وانسي الهم مااعيش لياليه...................................
راضي بحالي وقلبي صغير ومفيش حاجه تأثر فيه...................................
لما بخاصم ارجع اصالح هي اللحظة وعني ارميه..........................
كل عناد وشقاوة في لحظة تهرب مني ماامسك فيه..............................
عايش كده في سعادة ودايما مش مشغول ولا شي يعنيه......................
ولا بفكر ابدا لحظة بكره الجاي داه هيكون ايه.........................................
قايمة حروب وأهوال حواليا بضحك انا وحملي راميه..................
مش مشغول بفكر العالم لانام وأقوم وانا عايش فيه.....................
عندي سعادة وفرحة في قلبي ربي شايلني علي كتفيه............................
عالم بيا وواقف جنبي كلي سعادة وعايش ليه........................................
مهما يقولوا عليا صغير مش هتكبر قلبي صغير هكبر ليه........................
هنسي الآلام الدنيا بحالها وحتي جمالها مافكر فيه..............................
✍️ممدوح الديري✍️
