ممدوح الديري
القرار
جرب قرب يامتغرب تلقي يسوع واقف وياك........................................
تجري وتهرب الاحزان منك لما بترجع للي فداك................................
(1)
جوه تجاربك مين هتلاقي................
مين هيشيل ويكون وياك
لو في أتون هيكون البادي
جايلك هو وماشي معاك...................
(2)
خايف ليه مالموت والعادي...............
لما تموت داه يسوع يلقاك
رابح انت وعنك راضي
لما النعمة تكون سانداك....................
(3)
عيش في العالم دايما راضي............
متفكرش في جاه واملاك
راحل منها وجيبك فاضي
لكن عملك ماشي معاك.....................
(4)
بين الناس ليه تعمل قاضي..............
قاعد تحكم هنا وهناك
متفكرش كتير في الماضي
ارجع غير من جواك..........................
(5)
رابح انت لما تراضي ..................
كل اخواتك واللي معاك
مش تاخد منها اراضي
سايب الدنيا راجع لسماك.................
✍️ ممدوح الديري✍️
