ديڤيد ويصا
عندي خدمة كمان كام شهر عن "الخطيّة الأصليّة" ..
بكل اللي حوالين الموضوع من لخبطة واختلافات ..
ونقط ضعف ونقط قوّة، واذا كانت عقيدة كتابيّة ولا لأ!

وده خلّاني ابتدي اقرا حاجات كتير في الموضوع ..
وفعلًا مستمتع ومنبهر بغنى التُّراث المسيحي ..
اللي فتح قُدّامي كمية تفاسير وشروحات للموضوع ..
وشوفت فيه الاختلافات الرئيسيّة ..

اللي بين الشّرق والغرب في شرح الموضوع ده!
ومستمتع أكتر بكلام الآباء الأوائل عنه ..
بكل ما فيه من اتّساق واتّزان ومرجعيّة كتابيّة كنسيّة!
--

اللي نفسي اشارك بيه ..
هو اني عاوز اشكر كل منبر بيتيح ليَّ تقديم ..
مواضيع عميقة، والكنيسة في احتياج ليها ..
لأن ده بيشجَّعني اذاكر وادرِس واتعلّم واتَّضِع ..

وكمان بيدّيني أمان اني اشارك بغنى التُّراث المسيحي ..
من غير خوف من إقصاء أو رفض أو إدانة طائفيّة ..

وعلى الرغم من ان اللي شائع هو ان ..
الأغلبيّة بتحب حد يقولّها الخلاصة ..
إلا إنّي كل ما بشارك في الكنيسة بأفكار تتحدّاهُم ..

بلاقي تجاوب ونشاط واهتمام من كل الأعمار!
ويفضل للرب المجد والإعلان وكشف غنى الأعماق ..
ولينا الاجتهاد والتَّعلُّم ومحاولة الغوص في الأعماق!
ديڤيد ويصا