"كله إلاّ مصر"

كدا يامحترم انت وغيرك ماتعرفوش المصريين خالص اللي وقت الجد كلهم بيبقوا جيش يُفرم الزلط.. يهرسوه هرس .يعني يدعسوه..ماهو كله إلأّ مصر ..

 ونعرف كمان السوري يعني عايش في سوريا مهما كانت ظروفها مايهربش ويسيب وطنه بيُنتهك مع حزمة من العصابات والصراعات الدموية في الشوارع والبيوت ..اتعلموا  من المصريين اللي يموتوا ولايسيبوا وطنهم وأرضهم أبدا مهما جارت عليهم الظروف وأحلكها ..والتاريخ يشهد ..لأنهم رجالة والأرض عندهم  عِرض وشرف ..

 

 وحصل ولجأت لمصر ..وأهلا وسهلا...رحبنا ونمت بأمان وأكلت  من خيرها واشتغلت ونجحت.. فالطبيعي يكون فيه شوية أصل وأدب وعرفان للبلد اللي لجأت لها خايف ومجرد من كل شيء  ..

 

وحتى لما  فرحت  بثورتك وهللت بالحرية ماكنت قد الفرحة ولا رجعت بلدك  تعمرها وتبنيها وتفتح مطاعم شاورما ومشاريع   بالكوم زي ماأنت عاوز  وتنهض بمجتمعك في مناخ الحريات اللي بالكوم برضه  ..

 

لكن بمنشورات إرهابية  زي دي  تحمل الإهانة  والتهديد الصريح للمصريين  وعلى الأرض اللي شالتك على راسها بتؤكد إعلاء قيم المعتقد اللي له الأولوية الأولى والأخيرة على القيم الوطنية والإنسانية والأخلاقية 

 

ف أنت كدا : 

*خائن صريح  لاغش فيك لوطنك سوريا 

**خائن لاغش فيك وخطر جدا على وطننا مصر اللي أصغر واحد فيها مش هايسمح لحد يقرب منها ..هايهرسه هرس ..

 

 نضيف لك معلومة كمان عايشة في دم المصريين من اول التاريخ ..أقباط مصر هم مصر ..وتد مصر ..دم مصر ..دي بديهيات يعرفها كل المصريين اللي انتماؤهم لوطنهم قبل المعتقد وقبل أي شيء تاني..احنا هنا مانعرفش ناكل إلاّ على طبلية ..دا سلونا من زمن الزمن ..

فاللعبة الرخيصة دي مش هاتاكل معانا ..كان غيرك أشطر..علشان كدا نقول تاني ..إسمها إيه ؟! 

 

 

  فيا عزيزي انت وهو إهدوا ولم حكايتكو وكلو عيش وأنتو ساكتين  ..علشان عيب ..تعرفوا  العيب ؟! 

 

 اتمنى تنتبه الدولة لهذا الخطر الفاجر

 

*  كل قلوبنا مع سوريا وشعب سوريا المسالم ومن  أجل كل قطرة دم تسفك كل يوم  بلا ذنب في شوارع صارت مجرد خوف لايهدأ وكل عيون انطفات لكثرة الفزع نصلي يارب أرحم..،