ديڤيد ويصا
اللي انا هقوله ده مش كلام علمي ..
ده كلام واقعي شوفته بعيني ..
بما إني بركب مواصلات ..
وبشوف كل أنواع التحرُّش!
--
مشهد (١)
شاب اتحرّش بشابّة ..
قالتله: لو سمحت ممكن تبعد شوية!
الست اللي جنبها قالتلها: مفيش الكلام ده ..
وراحت قلعت الشبشب اللي في رجلها وضربته!
--
مشهد (٢)
شاب اتحرّش بشاب تاني ..
فالتاني مسكه عجنُه ضرب!
--
مشهد (٣)
فيلم بيتكلم عن التحرّش ..
اسمه ٦ ٧ ٨ ..
البنات اتعلّمت تستخدم صاعق الكهربا ..
وتضرب بيه المتحرّش في مكان حسّاس!
--
من الآخر ..
المتحرّش قذر ..
والمجتمع بيقف معاه لو اتحرّش ببنت ..
والمتحرّش مش جبان، لأن الناس بتشجّعه ..
عاوزين تحموا ولادكوا وبناتكوا ..
علّموهم يدافعوا عن نفسهم بكل الطرق ..
علّموهم رياضة عنيفة ..
علّموهم الجرأة والقوة ..
ضد أي حد يستبيح جسمهم ..
وايّاك تلوموهم لما يلجأوا ليكوا ..
لأنهم ضحايا مش مجرمين!
