ماجدة سيدهم
السادة المتحرشين الشيك واصحاب الوجاهة واللي استغلوا كتير من أطفال العائلة  أو الجيران او بالمدرسة وسببوا لهم أذى نفسي بليغ ..

 ايه رأيكم في المسلسل اللي ألقى الضوء  زوووم على اقنعتكم الشيطانية ..ياترى الرائع محمد شاهين  قدر يجسد الدور صح ولا عندكم إضافات تانية ..افيدونا ..

.منظركم إيه أدام  نفسكم  و أدام  أسركم وأولادكم ..وكل واحد فيكم عارف نفسه كويس خاصة لو حقيقتكم  ماتكشفتش  ودا مش مهارة منكم لكن لخوف الضحايا  من الكلام ..

تابعو للنهاية علشان تعرفوا انتو دمرتوا أطفال كتير اد إيه   بأسرهم .

.الموضوع بيعدي عليكو عادي لكن بيوقف حياة ضحايا كتير..

  مش يمكن تكون  علاقتك الزوجية رديئة بسبب ماتعرضت له زوجتك من تحرش زمان  بسبب واحد زيك بالظبط وسكتت على خوفها لحد مابقت مشوهة ..وأنت بكل وقاحة بتكرره في أطفال تانية من اسرتك وعيلتك او حتى من خارج دايرتك ..

شوفتوا المعاناة  والازمة والتشوه النفسي أد ايه اللي بيوصل لحد الاعتلال الجسدي بسبب استغلالكم الأجرامي
 اظن ولا واحد فيكم بيتحرم نفسه لما في كل لقطة بالمسلسل بتشاور عليكم ..

فعلا تحية للفنان الشجاع اللي خاطر بوعي لعمل دور كشف القناع عن قضية من أخطر القضايا المسكوت عنها