كتب - محرر الاقباط متحدون
قال الدكتور سامح فوزي الأكاديمي والكاتب الصحفي :"إدموند بيرك المفكر والمثقف الايرلندي، له كتابات مهمه جدا في مجال العلوم السياسية.
واستعرض فوزي خلال تقديم برنامج "آخر الأسبوع" المذاع عبر قناة ME Sat القبطية الارثوذكسية، مقولة شهيرة له تقول "عندما تخاف من شيء تعلم عنه بقدر ما تستطيع فالمعرفة تقهر الخوف."
وشرح فوزي :" قعدنا ساعات وأيام وربما شهور نخاف من أشياء لم تتحقق، في ناس خافت من السفر فلقيته طبيعي جدا وما فيهوش أي حاجة وكان ليه فوائد.
وتابع :" وناس تخاف من الامتحان لكن تدخل الامتحان ويطلع كويس جدا ما فيهوش أي حاجة، وناس تخاف من علاقات اجتماعية معينة فتلاقي العلاقات الاجتماعية إيجابية.
لافتا :" فمش مفروض الإنسان يبقى أسير الخوف، ولكن عشان أتخلص من الخوف ده لازم أعرف، والمعرفة يعني أن أنا يبقى عندي علم كافي بالأمور.
وتابع :" فاعرف عن أشياء كثيرة فاستعد ليها فمبقاش خايف، يعني لو أنا مسافر في مكان لو عرفت عنه المعلومات الأساسية هسافر أقل خوفا من أن أنا أكون رايح بالنسبة لي أن أنا رايح في المجهول.
