محرر الأقباط متحدون
اقترح الرئيس عبد الفتاح السيسى، خلال حفل تخرج الدورة التدريبية الثانية لوزارة الأوقاف بالأكاديمية العسكرية، بالاستفادة من الأعداد الكبيرة للمساجد بسد فجوة نقص أعداد المدارس قائلا: "ليه ما بنستفدش من بعض المساجد ونعلم فيها ولادنا"
قال الرئيس السيسى: "احنا عندنا مساجد كتيرة جدا وعندنا في نفس الوقت حجم قليل من المدارس، وكان أيام النبي صلى الله عليه وسلم، تستخدم في كل شؤون الدنيا"، مردفا: "النهاردة ليه ما بنستفدش من المساجد الموجودة، بتشتغل بالكتير في كل صلاة 10 دقائق عشان نخلى فيها بشكل أو أخر - بعضها يسمح بها - نعلم فيها ولادنا كل أولادنا، يقولك نعمل مدرسة ونعمل جامع، ممكن أعمل الجامع ويبقى جواه المدرسة".
وواصل: "كلام كتير احنا محتاجين نفكر فيه أكتر كتير إنك تعد خطبة كويسة أوى جميلة وتبقى سلسة"، مستطردا: "هتعمل ايه مع جيرانك وأولادك والدنيا اللى بقت مليانة كتير، وفى تطور حصل، هتبقى جزء منه، إن رفضته هتبقى بتتكلم فى خطاب قديم أوى".
