الأب جون جبرائيل
مفيش أغنية قالت اللي في القلب قد ما قاله نجم في حب مصر.
مع إننا نختلف معاه في حاجات كتير، بس مفيش خلاف إنه كان صوت حقيقي، بيقول اللي الناس مش قادرة تقوله، وبيغنّي بحب مصر مش بالكلمات بس، لكن بالوجع وبالسخرية وبالأمل.
اللي زي أحمد فؤاد نجم ما يموتوش... ممكن صوته يهدأ شوية، لكن بيرجع كل مرة بلدنا تتعب.
الصمت نسيان، والنسيان خيانة.
يا نجم، بهيّة لسه بتحبك.
وإحنا كمان.
شيّد قصورك (١٩٧٤)
شيد قصورك ع المزارع من كدنا وعمل إدينا
و الخمارات جنب المصانع و السجن مطرح الجنينه
و اطلق كلابك ف الشوارع و اقفل زنازينك علينا
و قل نومنا ف المضاجع آدى احنا نمنا ما اشتهينا
و اتقل علينا بالمواجع احنا اتوجعنا و اكتفينا
و عرفنا مين سبب جراحنا و عرفنا روحنا و التقينا
عمال و فلاحين و طلبه دقت ساعتنا و ابتدينا
نسلك طريق ملهش راجع والنصر قرب من عنينا
نسلك طريق ملهش راجع و النصر قرب من عنينا
نسلك طريق ملهش راجع و النصر قرب من عنينا
والنصر اقرب من ايدينا
والنصر اقرب من ايدينا
لينك الأغنية:
