ديفيد ويصا
خدوا بالكوا، الوقت ده ..
فيه ناس هتطلع بآيات من إرميا وإشعياء وحزقيال ..
ومفيش مانع شوية كمان من دانيال والرؤيا ..
عشان يتكلموا على إيران واسرائيل ..
ومفيش مانع من شوية تحابيش عن روسيا وأوكرانيا ..
أرجوكم بلاش تصدقوهم وتعملوا share لكلامهم عشان مينتشرش ..
بلاش نديهم فرصة يستخدموا الكتاب المقدس بالطريقة دي ..
ولا هو كتاب بخت ولا حظك اليوم ..
ولا تنجيم عشان يشبع رغبتنا بمعرفة المستقبل!
اقرا كتابك بانتظام، افهم السياق والظروف اللي اتكتب فيها ..
اقرا كتب تفسير لرجال ونساء الله المحترمين ..
ومتسلّمش ودنك للجهل والشعوذة!
وافتكر ان تاجر المخدرات هيفضل يبيع ويكسب ..
طول ما فيه مدمنين مش عاوزين يتشفوا ..
وهيخسر بضاعته وتجارته، أول ما نتعافى منه!