(1)
أنا اللي ضيّعت سنيني في ملاهي، ولا يوم بتفيدني
دلوقتي راجع بحنيني، اقبل يا رب وليك قدني
(2)
سهران وشارد في أحوالي، بايع الرخيص، شاري الغالي
رجعتي لحضنك طوالي، وبلاش تأخّر، واسندني
(القرار)
كضالٍ وطالب المعونة... محتاج إيديك الحنونة
دي حياتي كانت مفتونة، بشر، والعالم خدني
(3)
مشغول، وكانت أوهامي، قافلة الطريق كده قدّامي
دلوقتي طالب لسلامي، مين غيرك إنت هايسعدني
(4)
يسعدني قربك من تاني، أنا كنت عايش وأناني
مالت أفكاري لما غاوني، وقدر بمكره يبعدني
(5)
أنا شاريك المرّة دي، مكسور وبصرخ في الوادي
يا رب من قلبي بنادي، أرجوك تعالَ، وليك خدني
✍️ ممدوح الديري ✍️
