رشدى عوض دميان
**** وبداية أعتذر من الجميع عن
هذا العنوان الذي لا يوحي بأي شيء
سوى المرارة والأسى والحزن على
ما أصاب العقل والفكر في مقتل؟!
———————-
**** منشور في أحد صفحات facebook
يدعو الذين يزورون مدينة الاسكندرية
للأكل في محلات بعينها، ويصفها كما
لو كانت هذه المحلات هي التي تضع
مدينة الاسكندرية في مصاف العواصم
العالمية الكبرى؟!
**** أسماء "ما أنزل الله بها من سلطان"
ما بين "حوده ودنجل والفلاح واللول"
وبين هذا "الأضَّل سبيلاً" وهو "النتن"
و "عبده تلوث" و "دلع كرشك"؟؟!!
———————-
**** "سمك وكفته ورز بلبن وچيلاتي"
"كبده وفطير وكسكسي وفول وفلافل"
وكل ما له علاقة بالطعام والحلويات؟!
**** كل هذا في جانب، ولكن الذي قضى
على البقية الباقية من عقلي في جانب
آخر وهو عبارة:
"حاتنشكح وحاتحس احساس اكسلانساتي"
وهذه أيضاً أتوسل إلى الجميع أن يسامحوني
على هذا الإسفاف اللغوي الغير مسبوق
وعزائي أن "ناقل الكُفْر ليس بكافر"؟!
——————————
**** فيما يلي النص الكامل للمنشور،
وبكل الحزن والأسف قرأته في صفحة أحدهم
يقول إنه خريج جامعة أكسفورد (العالمية)؟!
وهذه أول مرة في تاريخ هذه الجامعة
التي تأسست في سنة ١٠٩٦ ميلادية،
وكان لي الشرف أنني كنت أحد طلابها،
وتعجبت أنها توصف بالعالمية، لأن هذا الاسم
Oxford في حد ذاته لا يحتاج لأية صفة
**** أنظر شعار جامعة أوكسفورد Oxford University
في نهاية البوست
———————-
نص المنشور أنقله كما هو:
الناس اللي جايه تزور اسكندريه💁🏻♀️💞
-لو عايز تاكل كبده ماتروحش الفلاح .. روح فرج ابو خالد جنب المرسى ابو العباس وماتنساش تجرب طبق مزالايكا ♥
-وانت فى بحرى عند المرسى ابو العباس فكك من كسكسى الشيخ وفيق وچيلاتى عزه وجرب كسكسى ياسمين وچيلاتى مكرم
ورز باللبن بالايس كريم من الشيخ وفيق 😍♥
-لو عايز فطير ماتروحش عند دهب والعك ده .. جرب "القلاع" شارع بورسعيد جنب البان سويسرا ♥
-ولو روحت البان سويسرا اوعى تمشى منغير ماتشرب شاى باللبن .. مش هاقدر افهمك بس لازم تجرب بنفسك ♥
-لو عايز تشرب قهوه ماتروحش البن البرازيلى وجرب واحد من اقدم الخواجات فى اسكندريه "سوفيانو Sofiano la Paolo” محطه الرمل شارع سعد زغلول وموجود على Google Maps ❤
-لو عايز سمك يبقى "اللول" فى المكس ، هاتاكل سمك طالع من البحر قدامك ولسه بيلعب وقدامك احلى منظر فى العالم قدام الفنار على البحر .. لو حد قالك كل سمك عند حوده دونجل ولا هو ده شعبان ، اعرف على طول انه مابيفهمش حاجه ومعفن كمان 😂♥
-ولو عايز فواكه بحر يبقى عم بلبل جنب القلعه ، هاتلاقى مركب خشب على الرصيف وقدامها طرابيزات ، جرب الختينيا هاتتبسط ، بيض السبيط كمان هايعجبك ❤
ولو عايز حاجه Highprofile يبقى Greek Club سى فودد فظيع والڤيو رهيب ، بس هاتتشمط مبلغ ينسيك جمال الاكله 😂😂
-لو نفسك فى بيتزا غير العك بتاع العيش الفينو اللى مالى البلد يبقى تروح "فوكاتشاريا" ممر سينما رينيساس محطه الرمل .. جرب كمان شيجابى ، هاتنشكح وهاتحس احساس اكسلانساتى♥
-لو عايز اكل شوارع حلو بس تمشى بأنتينالك معاك .. روح عند اولاد عبده العطارين ، او بمعنى اخر عبده تلوث ، وزود فى اللحمه بصل ، وانت مروح هاتلك برطمان بطارخ من اى حد يعجبك فى العطارين ♥
-ماتروحش واحه خطاب ولا هانى ولا عكنش وجرب "الجرارى" اللى بعد هانى. ♥
عايزين تاكلو سندوتشات زينجر وفاهيتا وجمبرى فظيع فظيع وسندوتشات مكسيكي والسندوتش بطولك متقدروش تخلصوه ورخيص جدا جدا مسلم اللي في محمد نجيب ❤
عايزين تاكلو كشرى فظيع جدا جدا جدا في 4اماكن بس في اسكندريه الحاروني اللي في العجمي وميكس طواجن اللي في العجمي وعلي السخن اللي في الرمل وكشرى التحرير اللي في خالد ابن الوليد ❤
عايزين تجربو فول وفلافل في اسكندريه فظيع جدا لازم تجربو عم زغلول اللي عند المجمع وجاد بس مش كل الفروع الفروع اللي عند البنوك واللي في العطارين ❤
———————-
**** للمرة الثانية، معذرة وسامحوني!!
فقط لو ساعدني أحدكم أن أعرف ما هو معنى
"الإحساس الاكسلانساتي"؟؟!!
أمَّا كلمة "حاتنشكح" فهذه أعرفها جيداً
لأنني قد "انشكحت" بالفعل؟!
**** ولا عزاء في "بسترودس ولا تريانون ولا في
Salon de thé Athenious صالة شاي أتينيوس
ولا حتى في "جامعة أكسفورد"؟؟!!
UNIVERSITY OF OXFORD.
