أنا إنسان وانت إنسان
صنع الخالق والديّان
لازم بينا تكون في محبة
يفيض الخير وعلينا يبان
رابط قلبي بقلبك عارف
بينا مشاعر وشعور جارِف
يلا نداوي الجرح النازف
نزرع خير كده بالمجان
ربنا قابل كل عباده
مطره بينزل كده في ميعاده
بيفرح كده قلب أولاده
مايفرق كده في الأوان
راسم لينا في طريق ممدودة
أصل الرحلة كمان محدودة
دي خطاوينا كمان معدودة
يلا نعيشها بكل حنان
آدم يفرح وكمان حواء
لما نساند بعض بقوة
نحب إلهنا نعيشها بتقوى
كده هيقولوا عليا إنسان
✍️ممدوح الديري ✍️
