ممدوح الديري ✍️
أفْرِد وشَّك هيعدّلها،
والدنيا إن مالت يعدّلها،
بس إنت تروق، غنّي لها،
بيحب يشوف ضحكة وشّك.
ومكشّر ليه؟ وأبوك صاحي،
ولا عينه بتغفل صباحي،
والشر إن قرّب ليه… ماحي،
بيحبك كده من أوّلها.
أفرد وشّك… متفكّرشِ،
مفلوج عالبركة رجع يمشي،
والعازر قام ولا طوّلشي،
بس إنت تفوق، ويعدّلها.
كان خاطي، وأمّه دَعَت له،
لصّ يمين مش عَشماله،
سرق الفردوس… وهَنّياله،
وأهو فاز بكلمة يا ناس قالها.
ممدوح الديري ✍️
