الميديا بقت هَوْلاميّه، وكأنها ألف شيطان
بنحارب ألف خطيّة، والوقت بقى سَجّان
وخطيّة بتسعى آليّا، بتجيني في كل مكان
سَرَقاني وضاحكة عليّا، للتوبة نسيت عنوان
بتمادي في وقتي الضايع، عايش على طول نِسيان
واليوم رايح مش راجع، وفي كَسَلي لاقيت إدمان
مسجون، ويا نفسي تفوزي إزاي؟! وقفلتي بيبان
بتحارب أنا بفلوسي، وكمان لوّثت الوجدان
ومُكمّل أنا في القصة، وخطايا كتير ومُدان
أنا لازم أقدّم توبة، عن شري أكون ندمان
مش ضامن أعيش ومطوّل، راجع ليسوع والآن
ويا عالم مش هتاخدني، أنا راجع ما الغَفلان
جدّدني بعهدك ليا، واغسلني كمان وكمان
يا واعدني بالأبديّة، قوّيني في كل زمان
متحارب بالخطية، وشيطان يجرّ شيطان
وصليبك صنع ليا، يا ربي يسوع غفران
✍️ ممدوح الديري ✍️
