أثارت الفنانة حلا شيحة الجدل خلال الساعات الماضية، بأحدث ظهور لها من خلال مقطع فيديو عبر قناتها الرسمية على “يوتيوب” والتي تُقدم من خلالها نصائح دينية لمتابعيها.
انتكاسة في حياة حلا شيحة
وتحدثت حلا شيحة خلال مقطع الفيديو عن الارتباك الإيماني الناتج عن الخوف، وتجربتها مع ارتداء الحجاب وخلعه وعودتها إلى الفن بعد الاعتزال، مؤكدة أنها تعرضت لحالة من التوتر والارتباك ووصفتها بإنها مرحلة انتكاسة، وذلك بسبب خوفها الشديد على مستقبل أبنائها ورغبتها في تأمين حياتهم، وعلقت: “أي إنسان لما الخوف يمتلكه، بتحصل له لخبطة كبيرة جدًا، الموازين كلها بتتغير.. اللي كان فوق ينزل تحت، واللي تحت يطلع فوق، وتبقى الحياة كلها لخبطة”.
وتابعت: “الإنسان في اللحظة دي بيشوف الدنيا من منظور الخوف، مش من الزاوية الإيمانية اللي ربنا خلقها فيه، وساعات بيقع في الفتنة، لكن لما الإنسان يضعف مش معناه إنه فقد حب ربنا، بالعكس، هو يمكن عشان بيحب ربنا جدًا وخايف، فالخوف ده بيغلب عليه”.
وأعربت عن شعورها بالراحة خلال فترة قربها من ربنا بحسب وصفها، ولكن تخلل حياتها حالة منا الخوف.
وأكملت: “أنا كنت قريبة جدًا من ربنا وبحبه جدًا، لكن لما تملكني الخوف من المستقبل ومن اللي ممكن يحصل لأولادي، انتكست.. وكنت كل شوية أقع، وأقوم، وأقول يا رب، ومشيت في طريق وكنت مش عارفة آخد قرار ثابت، وده طبيعي عند الإنسان، كلنا بنمر بالضعف، وبنقع ونقوم، وربنا هو اللي بيقومنا”.
حلا شيحة تحتفل بوصول قناتها لمليون متابع
وفي وقت سابق، أعربت حلا شيحة عن سعادتها بوصول قناتها الرسمية على يوتيوب لمليون مشاهدة، والتي افتتحتها خلال الأيام القليلة الماضية لمتابعيها لتقديم برنامج ديني خلالها.
وشاركت حلا شيحة صور لها عبر انستجرام، وعلقت: “الحمد لله، وصلت قناتي على يوتيوب إلى أكثر من مليون مشاهدة! مجرد رقم… بس ده دليل علي صدق المشاعر والمحبة الرسالة الصادقة بتوصل… يارب فعلًا تبقي صادقة دايمًا ويارب يجمعنا دايمًا علي ما يحب ويرضي، من أعماق قلبي شكرًا لكل شخص دعم، تابع، علّق، أو اتأثر بكلمة. حبيت تفرحوا معايا”.
