كُلّ الناس فِي أُمورها تِحَيَّر،
واحد بسّ ما زيهوش تاني!
طب ليه أزعل ولا أتمرَّر؟
وهي الناس مفيهاش حقّاني؟
دُول بيكيلوا بميت مكيال،
والغِربال مش زي التاني.
مرّة يمين كده، مرّة شمال،
فيهم قسوة، وكله أناني.
اللِّي يحبّك يبقى مصالح،
مش علشانك... ولا علشاني!
وفين نلقِي راحة البال؟
واللي شَريته... المُر سقاني!
لكن... هوّ واحد بسّ،
اللي آذَيتُه وهوَّ فَداني!
أنا حمّلتُه جُروح الصَّلب،
وهو اتنازل... جه فِي مكاني!
قدّم لِيّ أعظم حب،
ومفيش غيره... اللي بيرعاني!
وبيحميني وقت الحرب،
وطول الدرب... بيستناني!
✍️ممدوح الديري✍️
