البيت مش واعي سبب الأذيَّة
إهمال الراعي شأن الرعيَّة
والديب مترابِص لخراف مَسِيَّا
متفوقوا يا عالم ركِّزوا شُويَّة
ابنك أو بنتك أعزّ ما تملك
والوزنة غاليه لو سبته يهلك
قرَّبوا منهم ربِّي على مَهلك
ولا شي يشفعلك دي مسؤوليَّة
دقِّق في الصحبة لتكون ضحيَّة
تليفون في إيديهم راقِب شُويَّة
اقعد وفيدهم أسِّس تربيَّة
خليك قايدهم بمحبَّة قويَّة
مشغول بعملك وده كل أمَلك
تصنع مستقبل بيت وعربيَّة
وتزيد فلوسك وابنك ضحيَّة
زوِّد محبَّة زوِّد حنيَّة ركِّز شُويَّة
جُوَّه الكنيسة إبدا تربيَّة
راجِع معاهم واعرف مَسِيَّا
غاليين على قلبه دي خرافه دِيَّا
رَجِّع احضنه خراف منسيَّة
وسط الديابة خليك كده واعي
عايشين في غابة لو غاب الراعي
صبحه ما تبني ملهاش من داعي
متلومش الديب أسهَر شُويَّة
✍️ممدوح الديري✍️
