كتب - محرر الاقباط متحدون
قال نيافة الانبا رافائيل اسقف عام كنائس وسط القاهرة :"الكنيسة تساعد الناس على استرداد عافيتهم الروحية من خلال الآباء الكهنة والخدام والخادمات، ومن خلال الأب الأسقف.
مضيفا خلال تقديم برنامج (تيناهتي) المذاع عبر قناة (مي سات ) القبطية الارثوذكسية :"هذا دورها، دورنا هو أن نقوي الناس روحيا.
لافتا:"لكن افرض إنك مش لاقي حد يزقك، هل هتقعد في مكانك وتقول هما قصروا معايا ولا تشد حيلك؟.
وتابع:"في أسوأ الظروف، افرض الكنيسة اللي أنت جنبها ومتعود تصلي فيها ما حدش افتكرك ولا حد افتقدك، هتقول خلاص بحجة إن هما ما افتقدونيش أنا مش هروح، أو بحجة إن أبونا ما سألش فيا أنا مش هاعترف وأنا مش هاصلي.
لافتا:"طب ما أنت كده بتضر نفسك، فما تستناش حد يزقك، قوم أنت وانشط واعمل مجهود روحي وساعد اخواتك، يعني بدل ما أنت قاعد مستني حد يساعدك خليك أنت طاقة إيجابية وادخل الخدمة وساعد الناس.
