بقلم جورج حبيب
صاحبي دايمًا أناني
همّه نفسه، ولو الكل بيعاني
حتّى في مشاعره شحيح
والكلمة الحلوة تكلفتها كتير
يهمّه شِبعهُ وبَس
ولو الناس جعانين
يدوّر على مصلحته
ويأخدها ولو على حِسَاب البَاقيين
لا عمره ضحّى بشيء
حتّى ولو كان قَليل
يكفيه إنّه مبسوط
ولو الكلّ حَزين
وفي نظرُه إنّه نَاصح
وهو في الأصل مَسكِين
ده الإنسان بتضَحيتُه ومشَاعرُه
ألناس تفرح بيه وتسَاعدُه
يمدحوه في غِيابُه
ودايمًا واقفين على بابه
له في السَما مكان عَالي
أصله بيبُص لفوق، موش للترابِي
