كتب - محرر الاقباط متحدون
قال نيافة الأنبا مقار أسقف الشرقية والعاشر، خلال حفل التخرج بالمطرانية 2025 ضمن اجتماع الأنبا أنطونيوس للشباب:"أهنئ جميع الخريجين وأسرهم.
وتابع:"وأفرح كثيرا، لأن هذه بداية وليست نهاية، لقد وضعنا أقدامنا على أول السلم.
لافتا :"أما بالنسبة لإيبارشيتنا، فهي بالفعل إيبارشية مترامية الأطراف، حتى انك تستطيع أن تقول إنني لاصلي أي قداس أحتاج في الصباح إلى ساعة ونصف بالسيارة حتى أصل إلى الكنيسة التي سأصلي فيها، وواصل :" لكن أقدر أقول إن كل حاجة ليها بركتها.
وتابع :"المناطق عندنا، كل منطقة مش زي التانية، كل منطقة لها طابعها، ولها حلاوتها، ولها مشاكلها برضو.
موضحا :" يعني مثلا لو قلنا هنا في فاقوس، على اعتبار إن هنا الكرسي وهنا أكبر عدد من المسيحيين في المناطق اللي حوالينا: في أبو كبير، في أولاد صقر، في كفر صقر.
مشيرا :"لكن طبعا كل ده كوم، والعاشر لوحدها كوم تاني، العدد هناك ضخم جدا، ربنا يبارك، وهناك أربع كنائس، ومحتاجين كنيستين تاني على الأقل.
لافتا :"فبالتالي كل منطقة لها شغلها، ولها طبيعة شعبها، وكل منطقة محتاجة مني تعب من نوع معين.
مشيرا :"وبنحاول على قد ما نقدر إننا نزور كل الكنائس، ونفتقد كل الناس، ونتعرف عليهم، ونشوف مشاكلهم، ونحاول معاهم، ونتمنى إننا نوصل دايما لأحلى صورة، لأجمل إيبارشية موجودة في وجه بحري كله.
